allaah jaane kyaa hai aisaa tirii galii me.n
allaah jaane kyaa hai aisaa tirii galii me.n
hai qais ab bhii mahv-e-sajda tirii galii me.n
hai be-KHudii kaa 'aalam vo tujh se hii pata bhii
mai.n ne tirii galii kaa puuchhaa tirii galii me.n
mai.n dau.D kar chalaa aayaa kaasa-e-dil liye yuu.n
dekhaa jo ahl-e-dil kaa majma' tirii galii me.n
dono.n jahaan me.n merii ba.Dh ga.ii hai 'azmat
jis din se hai qadam ye rakkhaa tirii galii me.n
jis ko jo chaahiye aa kar ke le le yahaa.n se
rahmat kaa bah rahaa hai dariyaa tirii galii me.n
hai auj par sitaara qismat kaa us ke jab se
aayaa hu.aa hai 'aamir' aaqaa tirii galii me.n
allaah jaane kyaa hai aisaa tirii galii me.n
hai qais ab bhii mahv-e-sajda tirii galii me.n
hai be-KHudii kaa 'aalam vo tujh se hii pata bhii
mai.n ne tirii galii kaa puuchhaa tirii galii me.n
mai.n dau.D kar chalaa aayaa kaasa-e-dil liye yuu.n
dekhaa jo ahl-e-dil kaa majma' tirii galii me.n
dono.n jahaan me.n merii ba.Dh ga.ii hai 'azmat
jis din se hai qadam ye rakkhaa tirii galii me.n
jis ko jo chaahiye aa kar ke le le yahaa.n se
rahmat kaa bah rahaa hai dariyaa tirii galii me.n
hai auj par sitaara qismat kaa us ke jab se
aayaa hu.aa hai 'aamir' aaqaa tirii galii me.n
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
