aa.nkho.n me.n tasavvur me.n jo vo maah-e-mubii.n hai

aa.nkho.n me.n tasavvur me.n jo vo maah-e-mubii.n hai
Aarif Naqshbandi
MORE BYAarif Naqshbandi
aa.nkho.n me.n tasavvur me.n jo vo maah-e-mubii.n hai
duniyaa bhii hasii.n hogii 'uqbaa bhii hasii.n hai
qindiil-e-haram husn-e-azal sham'-e-mu-bii.n hai
allaah kaa mahbuub hasiino.n kaa hasii.n hai
khaane ke liye jis kii Gizaa naan-e-javii.n hai
kaunain kii daulat ke KHazaano.n kaa amii.n hai
miltaa hai KHudaa bhii jahaa.n mahbuub-e-KHudaa bhii
vo gumbad-e-kHazraa hai madiine kii zamii.n hai
kis kis tarh aataa hai nazar ahl-e-nazar ko
us rauza-e-pur-nuur me.n jo parda-nashii.n hai
sarkaar-e-do-'aalam kaa ho saanii bhii kahaa.n se
aisaa ko.ii duniyaa me.n hu.aa bhii to nahii.n hai
siina hai ki ganjiina-e-asraar-e-ilaahii
chehra hai mohammad kaa ki qur.aan-e-mubii.n hai
nazro.n me.n bhii aa jaa.o kabhii parda haTaa kar
nazdiik rag-e-jaa.n ho mujhe ye to yaqii.n hai
kuchh aur hii hotii hai.n mohabbat kii namaaze.n
jhuktii hai jo mehraab-e-haram me.n vo jabii.n hai
zaahir me.n hai naa-mahram-e-diidaar se parda
aa.nkhe.n ko.ii rakhtaa ho to pardaa bhii nahii.n hai
ai jazb-e-mohabbat zaraa hushiyaar KHabar-daar
ye 'arsh kii manzil hai ye rauza kii zamii.n hai
kyaa 'ishq-e-nabii se hai maqaam-e-dil-e-'aarif'
ye markaz-e-iimaa.n hai yahii markaz-e-dii.n hai
aa.nkho.n me.n tasavvur me.n jo vo maah-e-mubii.n hai
duniyaa bhii hasii.n hogii 'uqbaa bhii hasii.n hai
qindiil-e-haram husn-e-azal sham'-e-mu-bii.n hai
allaah kaa mahbuub hasiino.n kaa hasii.n hai
khaane ke liye jis kii Gizaa naan-e-javii.n hai
kaunain kii daulat ke KHazaano.n kaa amii.n hai
miltaa hai KHudaa bhii jahaa.n mahbuub-e-KHudaa bhii
vo gumbad-e-kHazraa hai madiine kii zamii.n hai
kis kis tarh aataa hai nazar ahl-e-nazar ko
us rauza-e-pur-nuur me.n jo parda-nashii.n hai
sarkaar-e-do-'aalam kaa ho saanii bhii kahaa.n se
aisaa ko.ii duniyaa me.n hu.aa bhii to nahii.n hai
siina hai ki ganjiina-e-asraar-e-ilaahii
chehra hai mohammad kaa ki qur.aan-e-mubii.n hai
nazro.n me.n bhii aa jaa.o kabhii parda haTaa kar
nazdiik rag-e-jaa.n ho mujhe ye to yaqii.n hai
kuchh aur hii hotii hai.n mohabbat kii namaaze.n
jhuktii hai jo mehraab-e-haram me.n vo jabii.n hai
zaahir me.n hai naa-mahram-e-diidaar se parda
aa.nkhe.n ko.ii rakhtaa ho to pardaa bhii nahii.n hai
ai jazb-e-mohabbat zaraa hushiyaar KHabar-daar
ye 'arsh kii manzil hai ye rauza kii zamii.n hai
kyaa 'ishq-e-nabii se hai maqaam-e-dil-e-'aarif'
ye markaz-e-iimaa.n hai yahii markaz-e-dii.n hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.