KHayaal un kaa hai aa.nkho.n me.n namii hai
KHayaal un kaa hai aa.nkho.n me.n namii hai
mubaarak dil ye rahmat kii gha.Dii hai
jahaa.n pahu.nche tasavvur raushnii hai
ye kis ke nuur se duniyaa sajii hai
zahe salle-'alaa siirat ye suurat
kalaam-e-paak saarii zindagii hai
KHudaa detaa hai aur tum baa.nTte ho
KHudaa ke ghar me.n maulaa kyaa kamii hai
dikhaa dii us ne shaan kibriyaa.ii
bataa dii aap ne kyaa bandagii hai
tire naqsh-e-qadam par chal ke dekhe
ye duniyaa aaj jo bhaTkii hu.ii hai
KHudaa ke ghar me.n daaKHil ho gayaa jo
’azaab-e-diin-o-duniyaa se barii hai
banaayaa us ne pahlaa nuur jis kaa
vo zaat-e-paak maulaa aap kii hai
tire lutf-o-karam kaa kyaa Thikaana
saKHaavat jis pe naazaa.n vo saKHii hai
jafaa.o.n par du'aa.e.n jis ne dii hai.n
saraapaa lutf-o-rahmat vo nabii hai
yahii qaa.im rahegii taa-qayaamat
jo duniyaa dil me.n dard-o-’ishq kii hai
hai kitnaa paak vo rauza ki jis par
musalsal nuur rahmat kii jha.Dii hai
nabii-e-bar-haq diyaa qur.aan baKHshaa
mire maulaa tirii rahmat ba.Dii hai
charaaG-e-dil ho raushan us me.n 'aarif'
a.ndherii raat jo taaro.n bharii hai
KHayaal un kaa hai aa.nkho.n me.n namii hai
mubaarak dil ye rahmat kii gha.Dii hai
jahaa.n pahu.nche tasavvur raushnii hai
ye kis ke nuur se duniyaa sajii hai
zahe salle-'alaa siirat ye suurat
kalaam-e-paak saarii zindagii hai
KHudaa detaa hai aur tum baa.nTte ho
KHudaa ke ghar me.n maulaa kyaa kamii hai
dikhaa dii us ne shaan kibriyaa.ii
bataa dii aap ne kyaa bandagii hai
tire naqsh-e-qadam par chal ke dekhe
ye duniyaa aaj jo bhaTkii hu.ii hai
KHudaa ke ghar me.n daaKHil ho gayaa jo
’azaab-e-diin-o-duniyaa se barii hai
banaayaa us ne pahlaa nuur jis kaa
vo zaat-e-paak maulaa aap kii hai
tire lutf-o-karam kaa kyaa Thikaana
saKHaavat jis pe naazaa.n vo saKHii hai
jafaa.o.n par du'aa.e.n jis ne dii hai.n
saraapaa lutf-o-rahmat vo nabii hai
yahii qaa.im rahegii taa-qayaamat
jo duniyaa dil me.n dard-o-’ishq kii hai
hai kitnaa paak vo rauza ki jis par
musalsal nuur rahmat kii jha.Dii hai
nabii-e-bar-haq diyaa qur.aan baKHshaa
mire maulaa tirii rahmat ba.Dii hai
charaaG-e-dil ho raushan us me.n 'aarif'
a.ndherii raat jo taaro.n bharii hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
