KHaaliq pe jaan-o-maal se qurbaa.n husain hai

KHaaliq pe jaan-o-maal se qurbaa.n husain hai

ruudaad-e-sabr-o-zabt kaa 'unvaa.n husain hai

insaaniyat ke dard kaa darmaa.n husain hai

qaa.im hai jis se 'azmat-e-insaa.n husain hai

duniyaa ko de diyaa hai vo aa.iin-e-zindagii

miltii rahegii maut me.n taskiin-e-zindagii

tafsiir-e-haq hai 'adl kaa vo tarjumaan hai

iimaan kii hai ruuh 'ibaadat kii jaan hai

maidaa.n me.n vo mard-e-mujaahid kii aan hai

faKHr-e-jihaad hai vo shahaadat kii shaan hai

piichhe haTaa na apne muqaabil ke saamne

ik koh-e-be-sutuu.n rahaa baatil ke saamne

aa.ii balaa jo mard-e-musalmaa.n ke saamne

kashtii ba.Dhaa ke le gayaa tuufaa.n ke saamne

sailaab-e-zulam tham gayaa iimaa.n ke saamne

ha.nstaa rahaa vo KHanjar-e-burraa.n ke saamne

himmat me.n be-misaal shujaa'at me.n fard hai

talvaar kaa dhanii hai vo maidaa.n kaa mard hai

allaah rii ye shaan-e-'ibaadat husain kii

buniyaad-e-diin-e-haq hai imaamat husain kii

aa.egii yaad taa-ba-qayaamat husain kii

kyaa dars de rahii hai shahaadat husain kii

baatil kii jaur-o-zulm kii duniyaa KHaraab hai

qaa.im jo haq pe ho gayaa vo kaamyaab hai

afsos hai ki ham ne ye sab kuchh bhulaa diyaa

rasmo.n me.n kaarnaamo.n ko un ke chhupaa diyaa

taariiKH ko sab apnii Thikaane lagaa diyaa

ik vaaqi’a 'aziim thaa aur kyaa banaa diyaa

har ek rasm vaj.h-e-'aqiidat banii hu.ii

bid’at har ik hai aaj sharii'at banii hu.ii

kyaa kHuub ra.nj hazrat-e-’aalii maqaam hai

kap.De hai.n zarq-barq to ruKH laala-faam hai

'aish-o-nishaat kaa ye nayaa ehtimaam hai

qur.aan hai baGal me.n nazar me.n haraam hai

saamaan ho rahe hai.n ye rusvaa.iyo.n ke aaj

melai lage hu.e hai.n tamaashaa.iyo.n ke aaj

yuu.n phir rahe hai.n chhail-chhabiile bane hu.e

maalaa gale me.n haath me.n gajre ba.ndhe hu.e

fashion me.n Garq 'itr me.n kap.De base hu.e

ho.nTo.n pe laal paan ke laakhe jame hu.e

kaisaa ye ehtiraam hai KHuunf-e-shahiid kaa

jo kaam kar rahe hai.n vo shimr-o-yaziid kaa

niil aa.nkh kaa Dhalaa to na Gairat vo ab rahii

'izzat na aabruu na sharaafat vo ab rahii

sard ho gayaa lahuu na haraarat vo ab rahii

jiite hii mar ga.e na shujaa'at vo ab rahii

ehsaan kar rahe ho ye ruuh-e-imaam par

ronaa hii sirf siikhe ho maulaa ke naam par

ronaa bhii kaisaa gaano.n ke baajo.n ke saath-saath

naqqaare Dholo.n taasho.n mujiiro.n ke saath-saath

pa.Dhte hai.n soz-o-marsiya naalo.n ke saath-saath

nazzaara-baaz bhii hai.n nazzaaro.n ke saath-saath

pahluu ye taa’ziyo.n me.n 'ajab dil-KHaraash hai

ye jazba-e-jihaad kii kaa.ndho.n pe laash hai

islaam se lagaa.o dilo.n ko zaraa nahii.n

roza nahii.n namaaz nahii.n ittiqaa nahii.n

kuchh pairvii hukm shah duusraa nahii.n

gumraahii kii ye had hai ki KHauf-e-KHudaa nahii.n

marne kaa hai maqaam ba.Dii sharm kii hai baat

jo qatl kii hai raat banii hai shab-e-baraat

bhaTkaa hu.aa hai raah se kuchh aisaa kaarvaa.n

manzil kaa duur-duur nahii.n naam aur nishaa.n

us par ye zulm chaltii hai.n zulmat kii aa.ndhi.yaa.n

haafiz KHudaa hai dekhe.n pahu.nchte hai.n ham kahaa.n

lafzii 'aqiidate.n hai.n janaab-e-imaam se

nisbat nahii.n hai ko.ii hame.n un ke kaam se

dil me.n vo josh hai na vo iimaa.n kaa dard hai

vo ro'b-e-kufr chhaa gayaa chehra bhii zard hai

vaaqif hai kHuub us se jo maidaa.n kaa mard hai

jiinaa hai us kaa maut lahuu jis kaa sard hai

mauqa' nahii.n hai sirf ye aa.nsuu bahaane kaa

hai aur bhii tariiqa moharram manaane kaa

aavaaz de rahaa hai ye maidaan-e-karbalaa

mardaan-e-kaarzaar kii duniyaa me.n aa zaraa

shamshiir-e-aab-daar ke jauhar zaraa dikhaa

sho'lo.n se khel aag kaa tuufaa.n ko.ii uThaa

kahte hai.n log sho’la-e-iimaa.n nahii.n rahaa

ik raakh kaa hai Dher musalmaa.n nahii.n rahaa

dozaKH banaa hai peT Gizaa-e-haraam se

dam niklaa jaa rahaa hai sujuud-o-qayaam se

talvaar baahar aa.e to kyuu.n kar niyaam se

faalij pa.Daa hu.aa hai shahaadat ke naam se

thaa silsila to shah kaa kHaliil-o-kaliim tak

afsos rah ga.ii halve haliim tak

baatil ne tujh ko aaj yuu.n niichaa dikhaa diyaa

har ik dar-e-zaliil pe laa kar jhukaa diyaa

maulaa kii bandagii ko bhii dil se bhulaa diyaa

tujh ko bulandiyo.n ne tirii KHud giraa diyaa

sach hai jo dil se jazba-e-iimaa.n nikal gayaa

talvaar chhuuTii haath se maidaa.n nikal gayaa

daa'va to ye Gulaam-e-shah-e-mashriqain hai

majlis me.n ’aurato.n kii tarh shor-o-shain hai

kaisii ye siina-kobii hai kaisaa ye biin hai

le de ke ashk-e-buzdilii nazr-e-husain hai

dil me.n agar husain kaa armaan-e-'ishq hai

sar chaahiye yahaa.n ki ye maidaan-e-'ishq hai

roza namaaz hajj-o-zakaat ho chuke adaa

amaame chho.D siikh kafan sar se baa.ndhnaa

kuchh paa.nv aage mimbar-o-mehraab se ba.Dhaa

guu.nje fazaa me.n kalma-e-tauhiid kii sadaa

masjid me.n maanaa majlis-e-shabbiir chaahiye

maidaa.n me.n bhii naa’ra-e-takbiir chaahiye

mu.nh pher de zamaana kii big.Dii havaa.o.n kaa

taKHta ulaT de zulm kaa jhuuTe KHudaa.o.n kaa

TuuTe agar pahaa.D bhii 'aarif balaa.o.n kaa

DaT kar muqaabla ho sitam kaa jafaa.o.n kaa

parvaa nahii.n hai maa'rka kitnaa hii saKHt ho

mardo.n kaa ye usuul hai taKHta ki taKHt ho

KHaaliq pe jaan-o-maal se qurbaa.n husain hai

ruudaad-e-sabr-o-zabt kaa 'unvaa.n husain hai

insaaniyat ke dard kaa darmaa.n husain hai

qaa.im hai jis se 'azmat-e-insaa.n husain hai

duniyaa ko de diyaa hai vo aa.iin-e-zindagii

miltii rahegii maut me.n taskiin-e-zindagii

tafsiir-e-haq hai 'adl kaa vo tarjumaan hai

iimaan kii hai ruuh 'ibaadat kii jaan hai

maidaa.n me.n vo mard-e-mujaahid kii aan hai

faKHr-e-jihaad hai vo shahaadat kii shaan hai

piichhe haTaa na apne muqaabil ke saamne

ik koh-e-be-sutuu.n rahaa baatil ke saamne

aa.ii balaa jo mard-e-musalmaa.n ke saamne

kashtii ba.Dhaa ke le gayaa tuufaa.n ke saamne

sailaab-e-zulam tham gayaa iimaa.n ke saamne

ha.nstaa rahaa vo KHanjar-e-burraa.n ke saamne

himmat me.n be-misaal shujaa'at me.n fard hai

talvaar kaa dhanii hai vo maidaa.n kaa mard hai

allaah rii ye shaan-e-'ibaadat husain kii

buniyaad-e-diin-e-haq hai imaamat husain kii

aa.egii yaad taa-ba-qayaamat husain kii

kyaa dars de rahii hai shahaadat husain kii

baatil kii jaur-o-zulm kii duniyaa KHaraab hai

qaa.im jo haq pe ho gayaa vo kaamyaab hai

afsos hai ki ham ne ye sab kuchh bhulaa diyaa

rasmo.n me.n kaarnaamo.n ko un ke chhupaa diyaa

taariiKH ko sab apnii Thikaane lagaa diyaa

ik vaaqi’a 'aziim thaa aur kyaa banaa diyaa

har ek rasm vaj.h-e-'aqiidat banii hu.ii

bid’at har ik hai aaj sharii'at banii hu.ii

kyaa kHuub ra.nj hazrat-e-’aalii maqaam hai

kap.De hai.n zarq-barq to ruKH laala-faam hai

'aish-o-nishaat kaa ye nayaa ehtimaam hai

qur.aan hai baGal me.n nazar me.n haraam hai

saamaan ho rahe hai.n ye rusvaa.iyo.n ke aaj

melai lage hu.e hai.n tamaashaa.iyo.n ke aaj

yuu.n phir rahe hai.n chhail-chhabiile bane hu.e

maalaa gale me.n haath me.n gajre ba.ndhe hu.e

fashion me.n Garq 'itr me.n kap.De base hu.e

ho.nTo.n pe laal paan ke laakhe jame hu.e

kaisaa ye ehtiraam hai KHuunf-e-shahiid kaa

jo kaam kar rahe hai.n vo shimr-o-yaziid kaa

niil aa.nkh kaa Dhalaa to na Gairat vo ab rahii

'izzat na aabruu na sharaafat vo ab rahii

sard ho gayaa lahuu na haraarat vo ab rahii

jiite hii mar ga.e na shujaa'at vo ab rahii

ehsaan kar rahe ho ye ruuh-e-imaam par

ronaa hii sirf siikhe ho maulaa ke naam par

ronaa bhii kaisaa gaano.n ke baajo.n ke saath-saath

naqqaare Dholo.n taasho.n mujiiro.n ke saath-saath

pa.Dhte hai.n soz-o-marsiya naalo.n ke saath-saath

nazzaara-baaz bhii hai.n nazzaaro.n ke saath-saath

pahluu ye taa’ziyo.n me.n 'ajab dil-KHaraash hai

ye jazba-e-jihaad kii kaa.ndho.n pe laash hai

islaam se lagaa.o dilo.n ko zaraa nahii.n

roza nahii.n namaaz nahii.n ittiqaa nahii.n

kuchh pairvii hukm shah duusraa nahii.n

gumraahii kii ye had hai ki KHauf-e-KHudaa nahii.n

marne kaa hai maqaam ba.Dii sharm kii hai baat

jo qatl kii hai raat banii hai shab-e-baraat

bhaTkaa hu.aa hai raah se kuchh aisaa kaarvaa.n

manzil kaa duur-duur nahii.n naam aur nishaa.n

us par ye zulm chaltii hai.n zulmat kii aa.ndhi.yaa.n

haafiz KHudaa hai dekhe.n pahu.nchte hai.n ham kahaa.n

lafzii 'aqiidate.n hai.n janaab-e-imaam se

nisbat nahii.n hai ko.ii hame.n un ke kaam se

dil me.n vo josh hai na vo iimaa.n kaa dard hai

vo ro'b-e-kufr chhaa gayaa chehra bhii zard hai

vaaqif hai kHuub us se jo maidaa.n kaa mard hai

jiinaa hai us kaa maut lahuu jis kaa sard hai

mauqa' nahii.n hai sirf ye aa.nsuu bahaane kaa

hai aur bhii tariiqa moharram manaane kaa

aavaaz de rahaa hai ye maidaan-e-karbalaa

mardaan-e-kaarzaar kii duniyaa me.n aa zaraa

shamshiir-e-aab-daar ke jauhar zaraa dikhaa

sho'lo.n se khel aag kaa tuufaa.n ko.ii uThaa

kahte hai.n log sho’la-e-iimaa.n nahii.n rahaa

ik raakh kaa hai Dher musalmaa.n nahii.n rahaa

dozaKH banaa hai peT Gizaa-e-haraam se

dam niklaa jaa rahaa hai sujuud-o-qayaam se

talvaar baahar aa.e to kyuu.n kar niyaam se

faalij pa.Daa hu.aa hai shahaadat ke naam se

thaa silsila to shah kaa kHaliil-o-kaliim tak

afsos rah ga.ii halve haliim tak

baatil ne tujh ko aaj yuu.n niichaa dikhaa diyaa

har ik dar-e-zaliil pe laa kar jhukaa diyaa

maulaa kii bandagii ko bhii dil se bhulaa diyaa

tujh ko bulandiyo.n ne tirii KHud giraa diyaa

sach hai jo dil se jazba-e-iimaa.n nikal gayaa

talvaar chhuuTii haath se maidaa.n nikal gayaa

daa'va to ye Gulaam-e-shah-e-mashriqain hai

majlis me.n ’aurato.n kii tarh shor-o-shain hai

kaisii ye siina-kobii hai kaisaa ye biin hai

le de ke ashk-e-buzdilii nazr-e-husain hai

dil me.n agar husain kaa armaan-e-'ishq hai

sar chaahiye yahaa.n ki ye maidaan-e-'ishq hai

roza namaaz hajj-o-zakaat ho chuke adaa

amaame chho.D siikh kafan sar se baa.ndhnaa

kuchh paa.nv aage mimbar-o-mehraab se ba.Dhaa

guu.nje fazaa me.n kalma-e-tauhiid kii sadaa

masjid me.n maanaa majlis-e-shabbiir chaahiye

maidaa.n me.n bhii naa’ra-e-takbiir chaahiye

mu.nh pher de zamaana kii big.Dii havaa.o.n kaa

taKHta ulaT de zulm kaa jhuuTe KHudaa.o.n kaa

TuuTe agar pahaa.D bhii 'aarif balaa.o.n kaa

DaT kar muqaabla ho sitam kaa jafaa.o.n kaa

parvaa nahii.n hai maa'rka kitnaa hii saKHt ho

mardo.n kaa ye usuul hai taKHta ki taKHt ho