Font by Mehr Nastaliq Web
Sufinama

بہ فیضِ ذکرِ رب واللہ پائی میں نے عزت ہے

آرزوؔ مہک

بہ فیضِ ذکرِ رب واللہ پائی میں نے عزت ہے

آرزوؔ مہک

بہ فیضِ ذکرِ رب واللہ پائی میں نے عزت ہے

”مرا اٹھنا عبادت ہے مرا سونا عبادت ہے“

زباں پہ حمدِ رب دل میں محمد کی محبت ہے

یہی ہے میرا سرمایہ یہی بس میری دولت ہے

عذابوں سے بچو ایمان والوں، مان بھی جاؤ

خدا کا غیض جس پر ہو قیامت ہی قیامت ہے

گناہوں سے ہماری زندگی لبریز ہے یا رب

ہماری مغفرت کا آسرا بس تری رحمت ہے

میں عاصی ہوں مگر دل میں لیے ہوں آس جنت کی

مرے سر پہ رسولِ پاک کا دستِ شفاعت ہے

اسے دو وقت کی روٹی کی خاطر بیچ دیتا ہے

مسلماں کے لیے ایمان سامانِ تجارت ہے

ہمارے دل میں کیوں ایمان کی شمعیں نہ ہوں روشن

ہر اک گوشہ میں کالی کملی والے کی مودت ہے

چلی ہوں جانبِ مکہ مدینہ جوش ہے دل میں

زباں پر نعرۂ تکبیر ہے پیروں میں حرکت ہے

بنا لیں اک کنیز اپنی مجھے اے مرسلِ اعظم

کہ اب اس آرزوؔ کے دل میں بس اتنی ہی چاہت ہے

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY
بولیے