mere murshid mere aaqaa hazrat-e-shaah-e-hasn

mere murshid mere aaqaa hazrat-e-shaah-e-hasn

the haqiiqat me.n saraapaa ziinat-e-sad anjuman

is tarah phabte the KHud apne Gulaamo.n me.n huzuur

chaa.nd jaise saath me.n taaro.n ke ho jalva-figan

aap the ruuh-e-razaa-o-jaan-e-shaah-e-bul-'olaa

aap the 'ain-e-'inaayat-shaah qutub-e-zul-menan

the jahaa.ngiirii gulistaa.n ke shagufta aap gun

jin kii KHushbuu se mo'attar ho gayaa saaraa chaman

shaKHsiyat hazrat kii kuchh 'aalam me.n poshiida nahii.n

aap hai.n mash.huur misl-e-mushk-e-aahuu-e-KHutan

mere aaqaa aap kii allaah re ruuhaaniyat

sharq se taa-Garb hai.n baa-faiz saare mard-o-zan

mushkilo.n me.n aap ko jab bhii pukaaraa hai kabhii

ho ga.ii.n hal mushkile.n baa-'arsa-e-chasm-e-zan

is qadar duurii ki nazro.n se hai.n poshiida huzuur

qurbiyat itnii ki phir bhii aap hai.n saaya-figan

hai karam ham par ki is duurii me.n shaan-e-qurbiyat

KHaana-e-dil me.n hai.n 'aashiq' aaj bhii jalva-figan

mere murshid mere aaqaa hazrat-e-shaah-e-hasn

the haqiiqat me.n saraapaa ziinat-e-sad anjuman

is tarah phabte the KHud apne Gulaamo.n me.n huzuur

chaa.nd jaise saath me.n taaro.n ke ho jalva-figan

aap the ruuh-e-razaa-o-jaan-e-shaah-e-bul-'olaa

aap the 'ain-e-'inaayat-shaah qutub-e-zul-menan

the jahaa.ngiirii gulistaa.n ke shagufta aap gun

jin kii KHushbuu se mo'attar ho gayaa saaraa chaman

shaKHsiyat hazrat kii kuchh 'aalam me.n poshiida nahii.n

aap hai.n mash.huur misl-e-mushk-e-aahuu-e-KHutan

mere aaqaa aap kii allaah re ruuhaaniyat

sharq se taa-Garb hai.n baa-faiz saare mard-o-zan

mushkilo.n me.n aap ko jab bhii pukaaraa hai kabhii

ho ga.ii.n hal mushkile.n baa-'arsa-e-chasm-e-zan

is qadar duurii ki nazro.n se hai.n poshiida huzuur

qurbiyat itnii ki phir bhii aap hai.n saaya-figan

hai karam ham par ki is duurii me.n shaan-e-qurbiyat

KHaana-e-dil me.n hai.n 'aashiq' aaj bhii jalva-figan