قسمت میں ہے ہمارے کس دن عطائے میراں

قسمت میں ہے ہمارے کس دن عطائے میراں

دیکھیں گے جا کے کس دن روشن بقائے میراں

پرواہ نہیں ہے گر کچھ دولت نہ ہو نہ ہووے

ہم ہیں گدائے میراں ہم ہیں گدائے میراں

بندے ازل سے ہم تو آقا کے ہو چکے ہیں

چاہے بگاڑ والے چاہے بنائے میراں

دم مارنے کا موقع ہر گز نہیں ہے واعظ

یہ رمز ہی جدا ہے جو ہو رضائے میراں

امراض جرم کا غم آزادؔ کچھ نہ کر تو

سب پر کھلا ہوا ہے دارالشفائے میراں