نماز_صبح آتی ہے نہ ذکر_شام آتا ہے

نماز صبح آتی ہے نہ ذکر شام آتا ہے

رہ عرفان میں عشق علی ہی کام آتا ہے

علی کا مرتبہ سمجھے گا کوئی کیا زمانے میں

علی بن مصطفیٰ کو بھی کہاں آرام آتا ہے

کوئی مشکل نہیں رہتی ہے پھر میرے لئے مشکل

علی مشکل کشا کا جب زباں پر نام آتا ہے

متاع دین و دنیا ہیچ ہے اک جام کے بدلے

زہے قسمت کہ ہاتھوں میں علی کا جام آتا ہے

چلو اے عاشقو آؤ کریں دیدار مولیٰ کا

کہ ان کو دیکھ کر کاوشؔ ہمیں آرام آتا ہے