shikasta-haal bahut huu.n mai.n yaa Gariib-navaaz

shikasta-haal bahut huu.n mai.n yaa Gariib-navaaz

karam kii ab to nazar ho zaraa Gariib-navaaz

najaat ab to mile un ke haath se jaldii

sataate hai.n mujhe hirs-o-havaa Gariib-navaaz

sivaa-e-hamd-o-sanaa-o-sataaish-o-midhat

svaab-diid na ho maajraa Gariib-navaaz

malaal-e-ranj-o-alam hind me.n sataate hai.n

KHudaa ke vaaste taiba bulaa Gariib-navaaz

Guruur-o-nikHvat-o-kHud-biinii-o-ra.uunat me.n

pha.nsaa huu.n be-tarah mujh ko chhu.Daa Gariib-navaaz

kHushii-o-kHurramii raahat nasiib ho jaa.e

jo dekhuu.n KHvaab me.n mehr-e-vafaa Gariib-navaaz

maqaam-e-gor-o-rah-e-pul-siraat-o-roz-e-hashr

bahut kaThin hai.n madad ho zaraa Gariib-navaaz

agarche taiba me.n aane ke mai.n nahii.n qaabil

to KHvaab hii me.n dikhaa jalva yaa Gariib-navaaz

meraa ilaaj tujhe chaara-gar hai gar manzuur

shabiih-e-paak to laa kar dikhaa Gariib-navaaz

du'aa hai sub.h-o-masaa apnii haqq-e-ta'ala sahr

'ataa ho 'ishq mujhe teraa yaa Gariib-navaaz

shikva-o-shaukat-o-ajlaal-o-rif'at-o-raaft

'ajiibn zohd 'ajab ittiqaa Gariib-navaaz

’ajiib Gairat-o-hurmat ’ajiib 'izz-o-sharf

’ajiib nuur 'ajab ehtidaa Gariib-navaaz

qasam KHudaa kii KHudaa.ii me.n meraa ai 'mukHlis’

vasiila ko.ii nahii.n duusraa Gariib-navaaz

shikasta-haal bahut huu.n mai.n yaa Gariib-navaaz

karam kii ab to nazar ho zaraa Gariib-navaaz

najaat ab to mile un ke haath se jaldii

sataate hai.n mujhe hirs-o-havaa Gariib-navaaz

sivaa-e-hamd-o-sanaa-o-sataaish-o-midhat

svaab-diid na ho maajraa Gariib-navaaz

malaal-e-ranj-o-alam hind me.n sataate hai.n

KHudaa ke vaaste taiba bulaa Gariib-navaaz

Guruur-o-nikHvat-o-kHud-biinii-o-ra.uunat me.n

pha.nsaa huu.n be-tarah mujh ko chhu.Daa Gariib-navaaz

kHushii-o-kHurramii raahat nasiib ho jaa.e

jo dekhuu.n KHvaab me.n mehr-e-vafaa Gariib-navaaz

maqaam-e-gor-o-rah-e-pul-siraat-o-roz-e-hashr

bahut kaThin hai.n madad ho zaraa Gariib-navaaz

agarche taiba me.n aane ke mai.n nahii.n qaabil

to KHvaab hii me.n dikhaa jalva yaa Gariib-navaaz

meraa ilaaj tujhe chaara-gar hai gar manzuur

shabiih-e-paak to laa kar dikhaa Gariib-navaaz

du'aa hai sub.h-o-masaa apnii haqq-e-ta'ala sahr

'ataa ho 'ishq mujhe teraa yaa Gariib-navaaz

shikva-o-shaukat-o-ajlaal-o-rif'at-o-raaft

'ajiibn zohd 'ajab ittiqaa Gariib-navaaz

’ajiib Gairat-o-hurmat ’ajiib 'izz-o-sharf

’ajiib nuur 'ajab ehtidaa Gariib-navaaz

qasam KHudaa kii KHudaa.ii me.n meraa ai 'mukHlis’

vasiila ko.ii nahii.n duusraa Gariib-navaaz