mohammad maalik-e-har-do-jahaa.n hai.n

mohammad maalik-e-har-do-jahaa.n hai.n

mohammad zeb baKHsh-e-’arshiyaa.n hai.n

bayaa.n ho.n vasf kyaa insaa.n se un kaa

mohammad ke maraatib laa-bayaa.n hai.n

chamakte hai.n ba-ra.ng-e-maah-o-akHtar

jigar me.n daaG-e-ulfat jo nihaa.n hai.n

ilaahii rauza-e-aqdas dikhaa de

yahii jumle mere vird-e-zabaa.n hai.n

gul-e-na.at-e-nabii phirte hai.n chunte

zamiin-e-she'r ke ham baaGbaa.n hai.n

gunahgaaro.n ko khaTkaa hashr kaa kyaa

mohammad jab shafii’-e-’aasiyaa.n hai.n

hayaat-e-jaavidaa.n hai un ko haasil

nabii ke 'ishq me.n jo niim-jaa.n hai.n

na hotaa kuchh jo ye paidaa na hote

mohammad baanii-e-kaun-o-makaa.n hai.n

maruu.n dar par shah-e-kaun-o-makaa.n ke

bhalaa 'mukHlis' nasiib aise kahaa.n hai.n

mohammad maalik-e-har-do-jahaa.n hai.n

mohammad zeb baKHsh-e-’arshiyaa.n hai.n

bayaa.n ho.n vasf kyaa insaa.n se un kaa

mohammad ke maraatib laa-bayaa.n hai.n

chamakte hai.n ba-ra.ng-e-maah-o-akHtar

jigar me.n daaG-e-ulfat jo nihaa.n hai.n

ilaahii rauza-e-aqdas dikhaa de

yahii jumle mere vird-e-zabaa.n hai.n

gul-e-na.at-e-nabii phirte hai.n chunte

zamiin-e-she'r ke ham baaGbaa.n hai.n

gunahgaaro.n ko khaTkaa hashr kaa kyaa

mohammad jab shafii’-e-’aasiyaa.n hai.n

hayaat-e-jaavidaa.n hai un ko haasil

nabii ke 'ishq me.n jo niim-jaa.n hai.n

na hotaa kuchh jo ye paidaa na hote

mohammad baanii-e-kaun-o-makaa.n hai.n

maruu.n dar par shah-e-kaun-o-makaa.n ke

bhalaa 'mukHlis' nasiib aise kahaa.n hai.n