محمدؐ مالک_ہر_دو_جہاں ہیں
محمدؐ مالک ہر دو جہاں ہیں
محمدؐ زیب بخش عرشیاں ہیں
بیاں ہوں وصف کیا انساں سے ان کا
محمدؐ کے مراتب لا بیاں ہیں
چمکتے ہیں برنگ ماہ و اختر
جگر میں داغ الفت جو نہاں ہیں
الٰہی روضۂ اقدس دکھا دے
یہی جملے مرے ورد زباں ہیں
گل نعت نبی پھرتے ہیں چنتے
زمین شعر کے ہم باغباں ہیں
گنہ گاروں کو کھٹکا حشر کا کیا
محمدؐ جب شفیع عاصیاں ہیں
حیات جاوداں ہے ان کو حاصل
نبی کے عشق میں جو نیم جاں ہیں
نہ ہوتا کچھ جو یہ پیدا نہ ہوتے
محمدؐ بانیٔ کون و مکاں ہیں
مروں در پر شہ کون و مکاں کے
بھلا مخلصؔ نصیب ایسے کہاں ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
