نبیوں کے ناموں میں نامِ محمد
نبیوں کے ناموں میں نامِ محمد
عیاں کر رہا ہے مقامِ محمد
کریں گے ادب کیوں نہ بندے خدا کے
خدا جب کرے احترامِ محمد
فرشتوں ادب میرا لازم ہے تم پر
خدا کا ہوں بندہ غلامِ محمد
تصور کا اس جا پہنچنا ہے تم پر
خدا کا ہوں بندہ غلامِ محمد
تصور کا اف جا پہنچنا ہے مشکل
وراءالورا ہے مقامِ محمد
شریعت طریقت کا ہے فیض جاری
منظم ہے کتنا نظامِ محمد
جہاں سر جھکے وہ مقامِ خدا ہے
جہاں دل جھکے ہے مقامِ محمد
ہے آئینہ گویا کلام خدا کا
خدا کی قسم ہر کلامِ محمد
سماعت کا عرفان ہے جن کو حاصل
وہ سنتے ہیں اب بھی پیام محمد
جہاں ٹوٹ جاتی ہیں ساری امیدیں
وہاں کام آتا ہے نامِ محمد
وقارؔ اس لیے دل کی کرتا ہوں عظمت
میرے دل پہ کندہ ہے نامِ محمد
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
