apne allaah se mahbuub kaa dar bhii maa.ngo
apne allaah se mahbuub kaa dar bhii maa.ngo
maa.ngne vaalo madiine kaa safar bhii maa.ngo
maa.ngnaa jurm nahii.n 'ishq-e-nabii kii daulat
'ishq hai dil me.n to phir husn-e-nazar bhii maa.ngo
dil vo maa.ngo ki rahe.n jis me.n nabii kii yaade.n
gir ke qadmo.n pe jo uThe na vo sar bhii maa.ngo
rashk kartii hai jinhe.n dekh ke firdaus-e-barii.n
vo madiine ke hasii.n shaam-o-sahar bhii maa.ngo
maa.ngo mahbuub se mahbuub ke jalvo.n kaa KHumaar
un ke jo naam pe ta.Dpe vo jigar bhii maa.ngo
tum talab karte ho duniyaa ke hasii.n taaj mahal
un ke kuuche me.n ko.ii chhoTaa saa ghar bhii maa.ngo
tere daaman me.n zar-o-siim 'niyaazii' hai.n to kyaa
'ishq-e-sarkaar me.n ashko.n ke guhar bhii maa.ngo
apne allaah se mahbuub kaa dar bhii maa.ngo
maa.ngne vaalo madiine kaa safar bhii maa.ngo
maa.ngnaa jurm nahii.n 'ishq-e-nabii kii daulat
'ishq hai dil me.n to phir husn-e-nazar bhii maa.ngo
dil vo maa.ngo ki rahe.n jis me.n nabii kii yaade.n
gir ke qadmo.n pe jo uThe na vo sar bhii maa.ngo
rashk kartii hai jinhe.n dekh ke firdaus-e-barii.n
vo madiine ke hasii.n shaam-o-sahar bhii maa.ngo
maa.ngo mahbuub se mahbuub ke jalvo.n kaa KHumaar
un ke jo naam pe ta.Dpe vo jigar bhii maa.ngo
tum talab karte ho duniyaa ke hasii.n taaj mahal
un ke kuuche me.n ko.ii chhoTaa saa ghar bhii maa.ngo
tere daaman me.n zar-o-siim 'niyaazii' hai.n to kyaa
'ishq-e-sarkaar me.n ashko.n ke guhar bhii maa.ngo
- Book : Kulliyat-e-Niazi (Pg. 12)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
