guzrii jidhar-jidhar se savaarii huzuur kii

guzrii jidhar-jidhar se savaarii huzuur kii

thii kaifiyat vahii.n-vahii.n kaif-o-suruur kii

raushan hai.n jo falak pe sitaaro.n ke qumqume

phailii hu.ii hai raushnii aaqaa ke nuur kii

jalva-figan hai.n rauza-e-at.har kii oT me.n

lekin KHabar vo rakhte hai.n nazdiik-o-duur kii

hai zikr kyaa chhi.Daa mere aaqaa ke nuur kaa

nuuraaniyat me.n Dhal ga.ii mahfil huzuur kii

rahmat kii bhiik doge bas itnii sii aas par

Daalii sajaa ke laayaa huu.n jurm-o-qusuur kii

allaah re ye ’azmat-e-darbaar-e-mustafaa

gardan jhukii hu.ii hai har ik baa-shu.uur kii

jo bhii kisii ne maa.ngaa 'niyaazii' huzuur se

husn-e-talab kariim ne puurii zaruur kii

guzrii jidhar-jidhar se savaarii huzuur kii

thii kaifiyat vahii.n-vahii.n kaif-o-suruur kii

raushan hai.n jo falak pe sitaaro.n ke qumqume

phailii hu.ii hai raushnii aaqaa ke nuur kii

jalva-figan hai.n rauza-e-at.har kii oT me.n

lekin KHabar vo rakhte hai.n nazdiik-o-duur kii

hai zikr kyaa chhi.Daa mere aaqaa ke nuur kaa

nuuraaniyat me.n Dhal ga.ii mahfil huzuur kii

rahmat kii bhiik doge bas itnii sii aas par

Daalii sajaa ke laayaa huu.n jurm-o-qusuur kii

allaah re ye ’azmat-e-darbaar-e-mustafaa

gardan jhukii hu.ii hai har ik baa-shu.uur kii

jo bhii kisii ne maa.ngaa 'niyaazii' huzuur se

husn-e-talab kariim ne puurii zaruur kii