mustafaa kii shaan se aagaah kyaa hogaa bashar

mustafaa kii shaan se aagaah kyaa hogaa bashar

haa.n magar itnaa ki jiine kii use hogii KHabar

'aql ko hogii rasaa.ii kyaa nabii ke shaan kii

putla-e-kHaakii me.n ye hai bando.n se baalaa-e-tar

avvaliin-o-aakHirii.n paiGambaro.n kaa 'ilm thaa

'ilm-ul-insaan se zaahir yahii hai beshtar

'ilm hai siine me.n jo aadam safii.ullaah ke

siine me.n vo aap ke naazil hu.aa baar-e-digar

jin ko farmaayaa KHudaa ne iq.raa-bi-isme-rabbika

KHaas hai taa’liim-e-haq ko aap kii madd-e-nazar

jis ko ho taa’liim-e-haq kyuu.n kar nahii.n kaamil vo ho

kaamilo.n se bhii mukammal aur sab se KHuub-tar

pa.Dh faqiir is shaah par tuu assalaatu-vassalaam

har-gha.Dii har-aan jitnaa ho sake shaam-o-sahar

mustafaa kii shaan se aagaah kyaa hogaa bashar

haa.n magar itnaa ki jiine kii use hogii KHabar

'aql ko hogii rasaa.ii kyaa nabii ke shaan kii

putla-e-kHaakii me.n ye hai bando.n se baalaa-e-tar

avvaliin-o-aakHirii.n paiGambaro.n kaa 'ilm thaa

'ilm-ul-insaan se zaahir yahii hai beshtar

'ilm hai siine me.n jo aadam safii.ullaah ke

siine me.n vo aap ke naazil hu.aa baar-e-digar

jin ko farmaayaa KHudaa ne iq.raa-bi-isme-rabbika

KHaas hai taa’liim-e-haq ko aap kii madd-e-nazar

jis ko ho taa’liim-e-haq kyuu.n kar nahii.n kaamil vo ho

kaamilo.n se bhii mukammal aur sab se KHuub-tar

pa.Dh faqiir is shaah par tuu assalaatu-vassalaam

har-gha.Dii har-aan jitnaa ho sake shaam-o-sahar