مصطفیٰ کی شان سے آگاہ کیا ہوگا بشر

مصطفیٰ کی شان سے آگاہ کیا ہوگا بشر

ہاں مگر اتنا کہ جینے کی اسے ہوگی خبر

عقل کو ہوگی رسائی کیا نبی کے شان کی

پتلۂ خاکی میں یہ ہے بندوں سے بالائے تر

اولین و آخریں پیغمبروں کا علم تھا

علم الانسان سے ظاہر یہی ہے بیشتر

علم ہے سینے میں جو آدم صفی اللہ کے

سینے میں وہ آپ کے نازل ہوا بار دگر

جن کو فرمایا خدا نے اقرأ باسم ربک

خاص ہے تعلیم حق کو آپ کی مد نظر

جس کو ہو تعلیم حق کیوں کر نہیں کامل وہ ہو

کاملوں سے بھی مکمل اور سب سے خوب تر

پڑھ فقیر اس شاہ پر تو الصلوٰۃ والسلام

ہر گھڑی ہر آن جتنا ہو سکے شام و سحر