ہمیشہ نور کی بارش ضیائے مصطفیٰ کی ہے

ہمیشہ نور کی بارش ضیائے مصطفیٰ کی ہے

مزارِ پیر محی الدین پر رحمت خدا کی ہے

عقیدت مند پر ہر حال میں رحمت خدا کی ہے

تمہارا جو ہوا اس کے لیے تم نے دعا کی ہے

ہیں محرومِ علاجِ دردِ دل کب تک رہوں آخر

جو آیا در پہ، اس کے درد کی تم نے دوا کی ہے

بفضلِ خالقِ عالم مرادیں اس کی بر آئیں

عنایت سرفرازی جس پہ بھی غوث الوریٰ کی ہے

وسیلے کے سوا حق تک رسائی غیر ممکن ہے

تصوف میں مدد بھی آپ کے حسنِ عطا کی ہے

معین اہل عرفاں آپ کو حق نے بنایا ہے

مسلماں کو ضرورت آپ جیسے رہنما کی ہے

یہ واعظ کیا ہیں، ان کا وعظ کیا، اس میں اثر کیا؟

یہ جرأت تو فقط خاکِ درِ غوث الوریٰ کی ہے

کسی صورت درِ اقدس پہ پہنچوں تو سکوں آئے

یہی اک آرزوئے دل، دل بے مدعا کی ہے

کرامت سے ان ہی کی بن گیے کتنے ولی اللہ

ضرورت آپ ہی جیسے ہمیں اب رہنما کی ہے

ملا دامنِ غوث الوریٰ وستِ عقیدت سے

سدا بیحسؔ نوازش مجھ پہ میرے رہنما کی ہے