mujh ko to apnii jaa.n se bhii pyaaraa hai un kaa naam
mujh ko to apnii jaa.n se bhii pyaaraa hai un kaa naam
Ahmad Nadeem Qasmi
MORE BYAhmad Nadeem Qasmi
mujh ko to apnii jaa.n se bhii pyaaraa hai un kaa naam
shab hai agar hayaat sitaaraa hai un kaa naam
tanhaa.ii kis tarah mujhe mahsuur kar sake
jab mere dil me.n anjuman-aaraa hai un kaa naam
har shaKHs ke dukho.n kaa mudaavaa hai un kii zaat
sab paa shikast-gaa.n kaa sahaaraa hai un kaa naam
be-yaaro.n be-kaso.n kaa asaasa hai un kii yaad
be-chaargaan-e-dahr kaa chaaraa hai un kaa naam
lab vaa rahe.n to ism-e-mohammad adaa na ho
iz.haar-e-mudda.aa kaa ishaaraa hai un kaa naam
lafz-e-mohammad asl me.n hai nutq kaa jamaal
lahn-e-KHudaa ne KHud hii sa.nvaaraa hai un kaa naam
qur.aan-e-paak un pe utaaraa gayaa 'nadiim'
aur mai.n ne apne dil me.n utaaraa hai un kaa naam
mujh ko to apnii jaa.n se bhii pyaaraa hai un kaa naam
shab hai agar hayaat sitaaraa hai un kaa naam
tanhaa.ii kis tarah mujhe mahsuur kar sake
jab mere dil me.n anjuman-aaraa hai un kaa naam
har shaKHs ke dukho.n kaa mudaavaa hai un kii zaat
sab paa shikast-gaa.n kaa sahaaraa hai un kaa naam
be-yaaro.n be-kaso.n kaa asaasa hai un kii yaad
be-chaargaan-e-dahr kaa chaaraa hai un kaa naam
lab vaa rahe.n to ism-e-mohammad adaa na ho
iz.haar-e-mudda.aa kaa ishaaraa hai un kaa naam
lafz-e-mohammad asl me.n hai nutq kaa jamaal
lahn-e-KHudaa ne KHud hii sa.nvaaraa hai un kaa naam
qur.aan-e-paak un pe utaaraa gayaa 'nadiim'
aur mai.n ne apne dil me.n utaaraa hai un kaa naam
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
