guzre jis raah se vo sayyad-e-vaalaa hokar

guzre jis raah se vo sayyad-e-vaalaa hokar

rah ga.ii saarii zamii.n 'ambar saaraa hokar

ruKH-e-anvar kii tajallii jo qamar ne dekhii

rah gayaa bosa vo naqsh kaf-e-paa hokar

vaa.e mahruumii-e-qismat ki mai.n phir ab kii baras

rah gayaa hamraa zavvaar-e-madiina hokar

chaman-e-taiba hai vo baaG ki murG-sidra

barso.n chahke hai.n jahaa.n bulbul-e-shaidaa hokar

sarsar-e-dasht-e-madiina kaa magar aayaa KHayaal

rashk-e-gulshan jo banaa Guncha-e-dil vaa hokar

paa-e-shah par gire yaarab tapish-e-mehr se jab

dil-e-betaab a.De hashr me.n paaraa hokar

hai ye ummiid 'razaa' ko tirii rahmat se shahaa

na ho zindaanii-e-dozakH tiraa banda hokar

guzre jis raah se vo sayyad-e-vaalaa hokar

rah ga.ii saarii zamii.n 'ambar saaraa hokar

ruKH-e-anvar kii tajallii jo qamar ne dekhii

rah gayaa bosa vo naqsh kaf-e-paa hokar

vaa.e mahruumii-e-qismat ki mai.n phir ab kii baras

rah gayaa hamraa zavvaar-e-madiina hokar

chaman-e-taiba hai vo baaG ki murG-sidra

barso.n chahke hai.n jahaa.n bulbul-e-shaidaa hokar

sarsar-e-dasht-e-madiina kaa magar aayaa KHayaal

rashk-e-gulshan jo banaa Guncha-e-dil vaa hokar

paa-e-shah par gire yaarab tapish-e-mehr se jab

dil-e-betaab a.De hashr me.n paaraa hokar

hai ye ummiid 'razaa' ko tirii rahmat se shahaa

na ho zindaanii-e-dozakH tiraa banda hokar