گزرے جس راہ سے وہ سید والا ہوکر

گزرے جس راہ سے وہ سید والا ہوکر

رہ گئی ساری زمیں عنبرِ سارا ہوکر

رخِ انور کی تجلی جو قمر نے دیکھی

رہ گیا بوسہ وہ نقشِ کفِ پا ہوکر

وائے محرومیٔ قسمت کہ میں پھر اب کی برس

رہ گیا ہمرہِ زوّارِ مدینہ ہوکر

چمنِ طیبہ ہے وہ باغ کہ مرغِ سدرہ

برسوں چہکے ہیں جہاں بلبلِ شیدا ہوکر

صرصرِ دشت مدینہ کا مگر آیا خیال

رشکِ گلشن جو بنا غنچۂ دل وا ہوکر

پائے شہ پر گرے یارب تپشِ مہر سے جب

دلِ بیتاب اڑے حشر میں پارا ہوکر

ہے یہ امید رضاؔ کو تری رحمت سے شہا

نہ ہو زندانی دوزخ ترا بندہ ہوکر