sar taa-ba-qadam hai tan-e-sultaan-e-zaman phuul

sar taa-ba-qadam hai tan-e-sultaan-e-zaman phuul

lab phuul dahan phuul zaqan phuul badan phuul

sadqe me.n tire baaG to kyaa laa.e hai.n banphuul

is Guncha-e-dil ko bhii to iimaa ho ki banphuul

tinkaa bhii hamaare to hilaa.e nahii.n hiltaa

tum chaaho to ho jaaye abhii koh-e-mehan phuul

vallaah jo mil jaaye mire gul kaa pasiina

maa.ngai na kabhii 'itr na phir chaahe dulhan phuul

dil-basta-o-kHuu.n-gashta na KHushbuu na lataafat

kyuu.n Guncha kahuu.n hai mire aaqaa kaa dahan phuul

dandaan-o-lab-o-zulf-o-rukH-e-shah ke fidaa.ii

hai.n durr-e-'adan laa'l-e-yaman mushk-e-KHutan phuul

buu ho ke nihaa.n ho ga.e taab-e-ruKH-e-shah me.n

lo ban ga.e hai.n ab to hasiino.n kaa dahan phuul

ho.n baar-e-gunah se KHajil-e-dosh-e-'aziizaa.n

lillaah mirii naa’sh kar ai jaan-e-chaman phuul

dil apnaa bhii shaidaa.ii hai us naaKHun-e-paa kaa

itnaa bhii mah-e-nau pe na ai charKH-e-kuhan phuul

dil khol ke KHuu.n ro.e Gam-e-'aariz-e-shah me.n

nikle to kahii.n hasrat-e-KHuu.n naa-ba shudan phuul

kyaa Gaaza malaa gard-e-madiina ko jo hai aaj

nikhre hu.e joban me.n qayaamat kii phaban phuul

hai kaun ki girya kare yaa faatiha ko aa.e

bekas ke uThaa.e tirii rahmat ke bharan bhuul

dil Gam tujhe ghere hai.n KHudaa tujh ko vo chamkaa.e

suuraj tire KHirman ko bane terii kiran phuul

kyaa baat 'razaa' us chamanistaan-e-karam kii

zahraa hai kalii jis me.n husain aur hasan phuul

sar taa-ba-qadam hai tan-e-sultaan-e-zaman phuul

lab phuul dahan phuul zaqan phuul badan phuul

sadqe me.n tire baaG to kyaa laa.e hai.n banphuul

is Guncha-e-dil ko bhii to iimaa ho ki banphuul

tinkaa bhii hamaare to hilaa.e nahii.n hiltaa

tum chaaho to ho jaaye abhii koh-e-mehan phuul

vallaah jo mil jaaye mire gul kaa pasiina

maa.ngai na kabhii 'itr na phir chaahe dulhan phuul

dil-basta-o-kHuu.n-gashta na KHushbuu na lataafat

kyuu.n Guncha kahuu.n hai mire aaqaa kaa dahan phuul

dandaan-o-lab-o-zulf-o-rukH-e-shah ke fidaa.ii

hai.n durr-e-'adan laa'l-e-yaman mushk-e-KHutan phuul

buu ho ke nihaa.n ho ga.e taab-e-ruKH-e-shah me.n

lo ban ga.e hai.n ab to hasiino.n kaa dahan phuul

ho.n baar-e-gunah se KHajil-e-dosh-e-'aziizaa.n

lillaah mirii naa’sh kar ai jaan-e-chaman phuul

dil apnaa bhii shaidaa.ii hai us naaKHun-e-paa kaa

itnaa bhii mah-e-nau pe na ai charKH-e-kuhan phuul

dil khol ke KHuu.n ro.e Gam-e-'aariz-e-shah me.n

nikle to kahii.n hasrat-e-KHuu.n naa-ba shudan phuul

kyaa Gaaza malaa gard-e-madiina ko jo hai aaj

nikhre hu.e joban me.n qayaamat kii phaban phuul

hai kaun ki girya kare yaa faatiha ko aa.e

bekas ke uThaa.e tirii rahmat ke bharan bhuul

dil Gam tujhe ghere hai.n KHudaa tujh ko vo chamkaa.e

suuraj tire KHirman ko bane terii kiran phuul

kyaa baat 'razaa' us chamanistaan-e-karam kii

zahraa hai kalii jis me.n husain aur hasan phuul