vo suu-e-laala zaar phirte hai.n

vo suu-e-laala zaar phirte hai.n

tere din ai bahaar phirte hai.n

aah kal 'aish to kiye ham ne

aaj vo be-qaraar phirte hai.n

har charaaG-e-mazaar par qudsii

kaise parvaana-vaar phirte hai.n

us galii kaa gadaa huu.n mai.n jis me.n

maa.ngte taajdaar phirte hai.n

phuul kyaa dekhuu.n merii aa.nkho.n me.n

dasht-e-taiba ke KHaar phirte hai.n

laakho.n qudsii hai.n kaam KHidmat par

laakho.n gird-e-mazaar phirte hai.n

dard yaa.n bolte hai.n har kaare

pahra dete savaar phirte hai.n

haa.e Gaafil vo kyaa jagah hai jahaa.n

paa.nch jaate chaar phirte hai.n

baa.e.n raste na jaa musaafir sun

maal hai raah-maar phirte hai.n

jaag sunsaan ban hai raat aa.ii

gurg bahr-e-shikaar phirte hai.n

nafs ye ko.ii chaal hai zaalim

jaise KHaase bijaar phirte hai.n

ko.ii kyuu.n puuchhe tirii baat 'razaa'

tujh se kutte hazaar phirte hai.n

vo suu-e-laala zaar phirte hai.n

tere din ai bahaar phirte hai.n

aah kal 'aish to kiye ham ne

aaj vo be-qaraar phirte hai.n

har charaaG-e-mazaar par qudsii

kaise parvaana-vaar phirte hai.n

us galii kaa gadaa huu.n mai.n jis me.n

maa.ngte taajdaar phirte hai.n

phuul kyaa dekhuu.n merii aa.nkho.n me.n

dasht-e-taiba ke KHaar phirte hai.n

laakho.n qudsii hai.n kaam KHidmat par

laakho.n gird-e-mazaar phirte hai.n

dard yaa.n bolte hai.n har kaare

pahra dete savaar phirte hai.n

haa.e Gaafil vo kyaa jagah hai jahaa.n

paa.nch jaate chaar phirte hai.n

baa.e.n raste na jaa musaafir sun

maal hai raah-maar phirte hai.n

jaag sunsaan ban hai raat aa.ii

gurg bahr-e-shikaar phirte hai.n

nafs ye ko.ii chaal hai zaalim

jaise KHaase bijaar phirte hai.n

ko.ii kyuu.n puuchhe tirii baat 'razaa'

tujh se kutte hazaar phirte hai.n