muzhda-baad ai 'aasiyo shaafe'-e-shah-e-abraar hai

muzhda-baad ai 'aasiyo shaafe'-e-shah-e-abraar hai

tahniyat ai mujrimo zaat-e-KHudaa Gaffaar hai

'arsh saa farsh-e-zamii.n hai farsh paa 'arsh-e-barii.n

kyaa niraalii tarz kii naam-e-KHudaa raftaar hai

chaa.nd shaq ho pe.D bolii.n jaanvar sajda kare.n

baarak-allaah marja’-e-’aalam yahii sarkaar hai

jin ko suu-e-asmaa.n phailaa ke jal-thal bhar diye

sadqa un haatho.n kaa pyaare ham ko bhii darkaar hai

lab zelaal-e-chashm-e-kun me.n gu.ndhe vaqt-e-kHamiir

murde zinda karnaa ai jaa.n tum ko kyaa dushvaar hai

gore gore paa.nv chamkaa do KHudaa ke vaaste

nuur kaa ta.Dkaa ho pyaare gor kii shab taar hai

tere hii daaman pe har 'aasii kii pa.Dtii hai nazar

ek jaan-e-be-kHataa par do-jahaa.n kaa baar hai

josh-e-tuufaa.n bahr-e-be-paayaa.n hu.aa naa-saazgaar

nuuh ke maulaa karam kar de to be.Daa paar hai

rahamtul-lil-'aalamii.n terii duhaa.ii dab gayaa

ab to maulaa be-KHatar sar par gunah kaa baar hai

qabr me.n hai.n aa.iina-daar-e-vofuur-e-vasf-e-gul

un ke bulbul kii KHamoshii bhii lab-e-iz.haar hai

guu.nj-guu.nj uThe hai.n naGmaat-e-‘razaa’ se bostaa.n

kyuu.n na ho kis phuul kii mid.hat me.n vaa minqaar hai

muzhda-baad ai 'aasiyo shaafe'-e-shah-e-abraar hai

tahniyat ai mujrimo zaat-e-KHudaa Gaffaar hai

'arsh saa farsh-e-zamii.n hai farsh paa 'arsh-e-barii.n

kyaa niraalii tarz kii naam-e-KHudaa raftaar hai

chaa.nd shaq ho pe.D bolii.n jaanvar sajda kare.n

baarak-allaah marja’-e-’aalam yahii sarkaar hai

jin ko suu-e-asmaa.n phailaa ke jal-thal bhar diye

sadqa un haatho.n kaa pyaare ham ko bhii darkaar hai

lab zelaal-e-chashm-e-kun me.n gu.ndhe vaqt-e-kHamiir

murde zinda karnaa ai jaa.n tum ko kyaa dushvaar hai

gore gore paa.nv chamkaa do KHudaa ke vaaste

nuur kaa ta.Dkaa ho pyaare gor kii shab taar hai

tere hii daaman pe har 'aasii kii pa.Dtii hai nazar

ek jaan-e-be-kHataa par do-jahaa.n kaa baar hai

josh-e-tuufaa.n bahr-e-be-paayaa.n hu.aa naa-saazgaar

nuuh ke maulaa karam kar de to be.Daa paar hai

rahamtul-lil-'aalamii.n terii duhaa.ii dab gayaa

ab to maulaa be-KHatar sar par gunah kaa baar hai

qabr me.n hai.n aa.iina-daar-e-vofuur-e-vasf-e-gul

un ke bulbul kii KHamoshii bhii lab-e-iz.haar hai

guu.nj-guu.nj uThe hai.n naGmaat-e-‘razaa’ se bostaa.n

kyuu.n na ho kis phuul kii mid.hat me.n vaa minqaar hai