Gam na thaa 'isyaa.n kaa kaisaa hii yam-e-zaKHKHaar thaa

Gam na thaa 'isyaa.n kaa kaisaa hii yam-e-zaKHKHaar thaa

ahmad mursal merii kashtii kaa khevanhaar thaa

kyaa ba.Dii sarkaar thii aur kyaa ba.Daa darbaar thaa

jis kaa naazir haq aur jibriil KHidmat-gaar thaa

yuu.n kahuu.ngaa jaa ke mahbuub-e-KHudaa teraa KHayaal

terii furqat me.n miraa hamdam thaa aur Gam-kHvaare thaa

merii aa.nkhe.n hotii.n aaGosh-e-haliima yaa nabii

meraa dil hotaa jo terii sair kaa gulzaar thaa

be-talab allaah ne kyaa kyaa diyaa me'araaj me.n

taale'-e-bedaar kHvaab-e-ahmad-e-mukHtaar thaa

thaa vo mahbuub-e-KHudaa aur sab the aashiq is liye

sab rasuulo.n kaa mohammad mustafaa sardaar thaa

chaa.nd saa chehraa utraa allāh ko aayaa pasand

ai 'arab ke naujavaa.n yuu.n tujh pe itnaa pyaar thaa

aa ke Takraayaa hai 'isyaa.n ke jaziiro.n me.n jahaaz

mere maulaa terii ik Thokar se be.Daa paar thaa

akbar-e-shaidaa use jannat milii baKHshaa gayaa

jo ki maddaah-e-habiib-e-iizid-e-Gaffaar thaa

Gam na thaa 'isyaa.n kaa kaisaa hii yam-e-zaKHKHaar thaa

ahmad mursal merii kashtii kaa khevanhaar thaa

kyaa ba.Dii sarkaar thii aur kyaa ba.Daa darbaar thaa

jis kaa naazir haq aur jibriil KHidmat-gaar thaa

yuu.n kahuu.ngaa jaa ke mahbuub-e-KHudaa teraa KHayaal

terii furqat me.n miraa hamdam thaa aur Gam-kHvaare thaa

merii aa.nkhe.n hotii.n aaGosh-e-haliima yaa nabii

meraa dil hotaa jo terii sair kaa gulzaar thaa

be-talab allaah ne kyaa kyaa diyaa me'araaj me.n

taale'-e-bedaar kHvaab-e-ahmad-e-mukHtaar thaa

thaa vo mahbuub-e-KHudaa aur sab the aashiq is liye

sab rasuulo.n kaa mohammad mustafaa sardaar thaa

chaa.nd saa chehraa utraa allāh ko aayaa pasand

ai 'arab ke naujavaa.n yuu.n tujh pe itnaa pyaar thaa

aa ke Takraayaa hai 'isyaa.n ke jaziiro.n me.n jahaaz

mere maulaa terii ik Thokar se be.Daa paar thaa

akbar-e-shaidaa use jannat milii baKHshaa gayaa

jo ki maddaah-e-habiib-e-iizid-e-Gaffaar thaa