jab nahii.n the chaa.nd suuraj ye zamiin-o-aasmaa.n

jab nahii.n the chaa.nd suuraj ye zamiin-o-aasmaa.n

thaa faqat us vaqt nuur-e-kHaaliq-e-kaun-o-makaa.n

ibtidaa ta’amiir duniyaa kii hu.ii hai ba’ad-azaa.n

pahle thaa paidaa hu.aa nuur-e-rasuul-e-do-jahaa.n

phir hu.aa nuur-e-nubuvvat se imaamat kaa zuhuur

jaa.n-nashiin-e-mustafaa hotaa rahaa jalva-kunaa.n

phir hu.e paidaa haram me.n buu-turaab-o-bul-hasan

phir hu.e hasnain-e-paak maalik-e-qasr-e-jinaa.n

paasbaa.n ruuhul-'aalamii.n jis kii hayaat-o-maut kaa

taabe-e’-hukm-e-imaamat kaa.inaat-e-do-jahaa.n

nuur ’ain-e-mustafaa-o-murtazaa-o-sayyada

quvvat-e-baazuu-e-shabbar raunaq-e-bazm-e-jahaa.n

ai imaam ibn-e-imaam ibn-e-imaam ibn-e-imaam

KHuun se likkhii ga.ii duniyaa me.n terii daastaa.n

assalaam-o-sad-salaam-o-sad-salaam-o-sad-salaam

ibn-e-haidar sibt-e-paiGambar hasan kii jaan-e-jaa.n

hashr tak maatam karegii lailaa-e-shab shaah kaa

aur na badlegaa libaas-e-maatamii ye aasmaa.n

KHuun se sii.nchaa hai tuune gulshan ai ibn-e-'alii

Gaaza-e-rukHsaar-e-jannat terii KHaak-e-aastaa.n

ai zamiin-e-karbalaa tuuhii nahii.n girya-kunaa.n

balki ro.e.nge qayaamat tak zamiin-o-aasmaa.n

bosa-gaah-e-mustafaa par shimr kaa KHanjar chale

tuf hai tujh par ai zamii.n la.anat hai tujh par aasmaa.n

ai shahiid-e-manzil-e-sabr-o-razaa gul-guu.n qabaa

ban gayaa teraa lahuu ra.ng-e-bahaar-e-be-KHizaa.n

maujzan hai har dil-e-momin me.n ik tuufaan-e-Gam

taa qayaamat KHatm ho sakte nahii.n ashk-e-ravaa.n

shaah ke Gam me.n jo nikle ashk haaye KHuun-e-dil

ban ga.e gauhar zamii.n par aasmaa.n par kahkashaa.n

ho rahii thii.n paak ruuhe.n maqtal-e-shah par nisaar

ro rahe the aasmaan-o-’arash par karruubiyaa.n

qatra-e-ashk-e-Gam sarvar kii qiimat dekhiye

ban gayaa haqdaar-e-jannat ‘akHtar-e-giryaa-kunaa.n

jab nahii.n the chaa.nd suuraj ye zamiin-o-aasmaa.n

thaa faqat us vaqt nuur-e-kHaaliq-e-kaun-o-makaa.n

ibtidaa ta’amiir duniyaa kii hu.ii hai ba’ad-azaa.n

pahle thaa paidaa hu.aa nuur-e-rasuul-e-do-jahaa.n

phir hu.aa nuur-e-nubuvvat se imaamat kaa zuhuur

jaa.n-nashiin-e-mustafaa hotaa rahaa jalva-kunaa.n

phir hu.e paidaa haram me.n buu-turaab-o-bul-hasan

phir hu.e hasnain-e-paak maalik-e-qasr-e-jinaa.n

paasbaa.n ruuhul-'aalamii.n jis kii hayaat-o-maut kaa

taabe-e’-hukm-e-imaamat kaa.inaat-e-do-jahaa.n

nuur ’ain-e-mustafaa-o-murtazaa-o-sayyada

quvvat-e-baazuu-e-shabbar raunaq-e-bazm-e-jahaa.n

ai imaam ibn-e-imaam ibn-e-imaam ibn-e-imaam

KHuun se likkhii ga.ii duniyaa me.n terii daastaa.n

assalaam-o-sad-salaam-o-sad-salaam-o-sad-salaam

ibn-e-haidar sibt-e-paiGambar hasan kii jaan-e-jaa.n

hashr tak maatam karegii lailaa-e-shab shaah kaa

aur na badlegaa libaas-e-maatamii ye aasmaa.n

KHuun se sii.nchaa hai tuune gulshan ai ibn-e-'alii

Gaaza-e-rukHsaar-e-jannat terii KHaak-e-aastaa.n

ai zamiin-e-karbalaa tuuhii nahii.n girya-kunaa.n

balki ro.e.nge qayaamat tak zamiin-o-aasmaa.n

bosa-gaah-e-mustafaa par shimr kaa KHanjar chale

tuf hai tujh par ai zamii.n la.anat hai tujh par aasmaa.n

ai shahiid-e-manzil-e-sabr-o-razaa gul-guu.n qabaa

ban gayaa teraa lahuu ra.ng-e-bahaar-e-be-KHizaa.n

maujzan hai har dil-e-momin me.n ik tuufaan-e-Gam

taa qayaamat KHatm ho sakte nahii.n ashk-e-ravaa.n

shaah ke Gam me.n jo nikle ashk haaye KHuun-e-dil

ban ga.e gauhar zamii.n par aasmaa.n par kahkashaa.n

ho rahii thii.n paak ruuhe.n maqtal-e-shah par nisaar

ro rahe the aasmaan-o-’arash par karruubiyaa.n

qatra-e-ashk-e-Gam sarvar kii qiimat dekhiye

ban gayaa haqdaar-e-jannat ‘akHtar-e-giryaa-kunaa.n