zabaa.n pe jaarii hai naam-e-ahmadiiya naam-e-naqsh-e-nagii.n hai dil me.n

zabaa.n pe jaarii hai naam-e-ahmadiiya naam-e-naqsh-e-nagii.n hai dil me.n
Ali Hussain Ashrafi
MORE BYAli Hussain Ashrafi
zabaa.n pe jaarii hai naam-e-ahmadiiya naam-e-naqsh-e-nagii.n hai dil me.n
ba.ndhaa hai rauze kaa yuu.n tasavvur ki baaG-e-KHuld-e-barii.n hai dil me.n
KHudaa kaa jalva jo dekhnaa ho to jalva-e-ahmadii ko yaaro
KHafii-o-iKHfaa me.n phir ke dekho vo suurat-e-naaznii.n hai dil me.n
firaaq-e-zaahir sataa rahaa hai nahii.n to baatin me.n hai ye zaahir
ki jis kii suurat pe mar rahaa huu.n vo yaar KHalvat-nashii.n hai dil me.n
shafii-e-roz-e-jazaa aGisnii habiib-e-rabb-ul-’olaal aGisnii
dikhaa do phir rauza-e-munavvar ki sabr baaqii nahii.n hai dil me.n
mire sataane ke vaaste gar naqaab chehre pe Daalte ho
tumhaarii suurat ke dekhne ko ye chashm-e-baariik-bii.n hai dil me.n
shabiih-e-jaanaa.n samajh ke naadaa.n na dekh hasrat se mehr-o-mah ko
ki jis ne shaqq-ul-qamar kiyaa thaa vo maah manzil-guzii.n hai dil me.n
jhukaa ke sar baiThte ho tum kyuu.n ye raaz ai 'ashrafii' bataa do
ba.ndhaa hai kis kaa tumhe.n tasavvur ye kis kii shakl-e-hasii.n hai dil me.n
zabaa.n pe jaarii hai naam-e-ahmadiiya naam-e-naqsh-e-nagii.n hai dil me.n
ba.ndhaa hai rauze kaa yuu.n tasavvur ki baaG-e-KHuld-e-barii.n hai dil me.n
KHudaa kaa jalva jo dekhnaa ho to jalva-e-ahmadii ko yaaro
KHafii-o-iKHfaa me.n phir ke dekho vo suurat-e-naaznii.n hai dil me.n
firaaq-e-zaahir sataa rahaa hai nahii.n to baatin me.n hai ye zaahir
ki jis kii suurat pe mar rahaa huu.n vo yaar KHalvat-nashii.n hai dil me.n
shafii-e-roz-e-jazaa aGisnii habiib-e-rabb-ul-’olaal aGisnii
dikhaa do phir rauza-e-munavvar ki sabr baaqii nahii.n hai dil me.n
mire sataane ke vaaste gar naqaab chehre pe Daalte ho
tumhaarii suurat ke dekhne ko ye chashm-e-baariik-bii.n hai dil me.n
shabiih-e-jaanaa.n samajh ke naadaa.n na dekh hasrat se mehr-o-mah ko
ki jis ne shaqq-ul-qamar kiyaa thaa vo maah manzil-guzii.n hai dil me.n
jhukaa ke sar baiThte ho tum kyuu.n ye raaz ai 'ashrafii' bataa do
ba.ndhaa hai kis kaa tumhe.n tasavvur ye kis kii shakl-e-hasii.n hai dil me.n
- Book : Tahaif-e-Ashrafi (Pg. 56)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.