Sufinama

siirat-e-ushshaaq hai arbaab-e-suurat se alag

Ameer Minai

siirat-e-ushshaaq hai arbaab-e-suurat se alag

Ameer Minai

MORE BYAmeer Minai

    siirat-e-ushshaaq hai arbaab-e-suurat se alag

    hai tariiqa un kaa haftaad-o-do-millat se alag

    chashm-e-tar hai un kii kausar naKHl-e-tuubaa un kii aah

    un kaa baaG-e-dil-kushaa hai baaG-e-jannat se alag

    dil haram un kaa garebaa.n un kaa mehraab-e-haram

    hai ye aa.iin-e-ibaadat har ibaadat se alag

    maut un kii zindagii hai zindagii hai un kii maut

    ra.nj-o-raahat un ke hai.n sab ra.nj-o-raahat se alag

    dar-haqiiqat KHaas hai.n ye pairav-e-shar.a-e-rasuul

    hai sharii.at un kii zaahir me.n sharii.at se alag

    teG-e-Gairat se abhii rakh de.n sar apnaa kaaT kar

    paa.nv pa.D jaaye agar raah-e-mohabbat se alag

    kaah ho kar koh-e-Gam sar par uThaa lete hai.n ye

    ye tahammul hai kahii.n insaa.n kii taaqat se alag

    KHuun-e-dil mai hai to hai laKHt-e-dil biryaa.n kabaab

    lazzate.n un kii hai.n duniyaa-bhar kii lazzat se alag

    hai.n rujuu.a-e-qalb se ye is tarah vaasil-ba-haq

    jis tarah ma.anaa nahii.n hote ibaarat se alag

    aastii.n se un kii jeb-e-quds kaa paivand hai

    daaman-e-maqsuud hai kab dast-e-himmat se alag

    ye radiif apne liye mai.n ne kahii hai ai 'amiir'

    haath mahshar me.n na ho daamaan-e-hazrat se alag

    siirat-e-ushshaaq hai arbaab-e-suurat se alag

    hai tariiqa un kaa haftaad-o-do-millat se alag

    chashm-e-tar hai un kii kausar naKHl-e-tuubaa un kii aah

    un kaa baaG-e-dil-kushaa hai baaG-e-jannat se alag

    dil haram un kaa garebaa.n un kaa mehraab-e-haram

    hai ye aa.iin-e-ibaadat har ibaadat se alag

    maut un kii zindagii hai zindagii hai un kii maut

    ra.nj-o-raahat un ke hai.n sab ra.nj-o-raahat se alag

    dar-haqiiqat KHaas hai.n ye pairav-e-shar.a-e-rasuul

    hai sharii.at un kii zaahir me.n sharii.at se alag

    teG-e-Gairat se abhii rakh de.n sar apnaa kaaT kar

    paa.nv pa.D jaaye agar raah-e-mohabbat se alag

    kaah ho kar koh-e-Gam sar par uThaa lete hai.n ye

    ye tahammul hai kahii.n insaa.n kii taaqat se alag

    KHuun-e-dil mai hai to hai laKHt-e-dil biryaa.n kabaab

    lazzate.n un kii hai.n duniyaa-bhar kii lazzat se alag

    hai.n rujuu.a-e-qalb se ye is tarah vaasil-ba-haq

    jis tarah ma.anaa nahii.n hote ibaarat se alag

    aastii.n se un kii jeb-e-quds kaa paivand hai

    daaman-e-maqsuud hai kab dast-e-himmat se alag

    ye radiif apne liye mai.n ne kahii hai ai 'amiir'

    haath mahshar me.n na ho daamaan-e-hazrat se alag

    Source :
    • Book : Mahamid-e-Khatimun Nabiyyin (Pg. 67)
    • Author : Ameer Minayee
    • Publication : Munshi Nawalkishor, Lucknow (1930)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY