نعرۂ مولیٰ علیِ مرتضیٰ کچھ اور ہے

نعرۂ مولیٰ علیِ مرتضیٰ کچھ اور ہے

لاکھ ہوں مشکل مرا مشکل کشا کچھ اور ہے

بد سے بدتر تھے ہوئے ہیں اور رہیں گے حشر تک

دشمنِ آلِ علی کی یہ سزا کچھ اور ہے

جب پکارا یا علی فوراً مدد کو آ گئے

ہم کو مشکل میں بھی مشکل کا مزہ کچھ اور ہے

جنگِ خیبر میں علی بیمار تھے پھر کیا ہوا

ابتدا کچھ اور تھی پر انتہا کچھ اور ہے

ہیں ہزاروں نامور شمشیر دنیا میں مگر

ذوالفقارِ حیدری کا دبدبہ کچھ اور ہے

افضل و اعلیٰ ہیں منصب کل صحابہ کے مگر

خم کے منبر پر علی کا مرتبہ کچھ اور ہے

ذکرِ خم میں ہو رہی ہے بارشِ رحمت اسدؔ

ایسی بارش میں مزہ ہر بوند کا کچھ اور ہے