بجز رہبر نہ پہنچا رہرو منزل کوئی حد کو

بجز رہبر نہ پہنچا رہرو منزل کوئی حد کو

وہی اللہ کو جانے جو پہنچا نے محمد کو

نہیں ہے ابروئے پرخم کے نیچے آنکھ کی پتلی

کیا ہے نصب کعبہ میں خدا نے سنگِ اسود کو

بنائے آسماں اللہ نے حضرت کی خاطر سے

نہ کرتا خلق ان کو خلق اگر کرتا نہ احمد کو

کہیں ذرے سے کم ہے مہرِ روشن سامنے جن کے

ملا ہے نور ایسا ذرہ ہائے خاک مرقد کو

کیا جس دن شبِ معراج قصدِ عالمِ بالا

ہوئے کیا شاد اہلِ عرش سن کر آمد آمد کو

ہمیشہ محفلِ آفاق میں ہے روشنی جس کی

کیا سبطین نے روشن یہ نام جدامجد کو

اسیرؔ احبابِ مولا کو مبارک خندۂ شادی

جو کینہ دل میں رکھتے ہوں وہ روئیں طالع بد کو