ba-juz rahbar na pahu.nchaa rahrav-e-manzil ko.ii had ko

ba-juz rahbar na pahu.nchaa rahrav-e-manzil ko.ii had ko

vahii allaah ko jaane jo pahchaane mohammad ko

nahii.n hai abruu-e-pur-KHam ke niiche aa.nkh kii putlii

kiyaa hai nasb kaa'ba me.n KHudaa ne sa.ng-e-asvad ko

banaa.e aasmaa.n allaah ne hazrat kii KHaatir se

na kartaa KHalq un ko KHalq agar kartaa na ahmad ko

kahii.n zarre se kam hai mehr raushan saamne jin ke

milaa hai nuur aisaa zarra-haa-e-KHaak-e-marqad ko

kiyaa jis din shab-e-me’raaj qasd-e-'aalam-e-baalaa

hue kyaa shaad ahl-e-'arsh sun kar aamad aamad ko

hamesha mahfil-e-aafaaq me.n hai raushnii jis kii

kiyaa sibtain ne raushan ye naam-e-jadd-e-amjad ko

’asiir’ ahbaab-e-maulaa ko mubaarak kHanda-e-shaadii

jo kiina dil me.n rakhte ho.n vo ro.e.n taale’-e-bad ko

ba-juz rahbar na pahu.nchaa rahrav-e-manzil ko.ii had ko

vahii allaah ko jaane jo pahchaane mohammad ko

nahii.n hai abruu-e-pur-KHam ke niiche aa.nkh kii putlii

kiyaa hai nasb kaa'ba me.n KHudaa ne sa.ng-e-asvad ko

banaa.e aasmaa.n allaah ne hazrat kii KHaatir se

na kartaa KHalq un ko KHalq agar kartaa na ahmad ko

kahii.n zarre se kam hai mehr raushan saamne jin ke

milaa hai nuur aisaa zarra-haa-e-KHaak-e-marqad ko

kiyaa jis din shab-e-me’raaj qasd-e-'aalam-e-baalaa

hue kyaa shaad ahl-e-'arsh sun kar aamad aamad ko

hamesha mahfil-e-aafaaq me.n hai raushnii jis kii

kiyaa sibtain ne raushan ye naam-e-jadd-e-amjad ko

’asiir’ ahbaab-e-maulaa ko mubaarak kHanda-e-shaadii

jo kiina dil me.n rakhte ho.n vo ro.e.n taale’-e-bad ko