kyaa vaqaar-e-'azmat-o-naam-o-nasab zainab me.n hai
Interesting Fact
منقبت درشان حضرت سیدہ زینب
kyaa vaqaar-e-'azmat-o-naam-o-nasab zainab me.n hai
sar jhukaa kar tan ke chalne kii talab zainab me.n hai
sayyado.n kii sayyada ke sayyadii tevar to dekh
KHaandaan-e-haashmii kaa har laqab zainab me.n hai
sar me.n tuufaan-e-shahaadat dil me.n mamtaa kii lahar
kashmakash kaa ik samandar tishna-lab zainab me.n hai
pyaas kii shiddat me.n bhii suukhe nahii.n zainab ke ashk
das kii din kii be-qaraarii das kii shab zainab me.n hai
beTe bhaa.ii aur bhatiijo.n ko fidaa karne kaa dam
jazba-e-iisaar-o-qurbaanii 'ajab zainab me.n hai
mustafaa haidar KHadiija faatima shabbar husain
kuchh kaa jazba kuchh kii hikmat kuchh kii chhab zainab me.n hai
panja-e-baatil se diin-e-haq bachaane kii ta.Dap
jaisii 'maajid' faatima me.n thii vo ab zainab me.n hai
kyaa vaqaar-e-'azmat-o-naam-o-nasab zainab me.n hai
sar jhukaa kar tan ke chalne kii talab zainab me.n hai
sayyado.n kii sayyada ke sayyadii tevar to dekh
KHaandaan-e-haashmii kaa har laqab zainab me.n hai
sar me.n tuufaan-e-shahaadat dil me.n mamtaa kii lahar
kashmakash kaa ik samandar tishna-lab zainab me.n hai
pyaas kii shiddat me.n bhii suukhe nahii.n zainab ke ashk
das kii din kii be-qaraarii das kii shab zainab me.n hai
beTe bhaa.ii aur bhatiijo.n ko fidaa karne kaa dam
jazba-e-iisaar-o-qurbaanii 'ajab zainab me.n hai
mustafaa haidar KHadiija faatima shabbar husain
kuchh kaa jazba kuchh kii hikmat kuchh kii chhab zainab me.n hai
panja-e-baatil se diin-e-haq bachaane kii ta.Dap
jaisii 'maajid' faatima me.n thii vo ab zainab me.n hai
- Book : Sukhan Waraan-e-Izzat (Pg. 154)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
