lab pe phir aa.ii hai fariyaad rasuul-e-’arabii

lab pe phir aa.ii hai fariyaad rasuul-e-’arabii

kiijiye haa.n mirii imdaad rasuul-e-’arabii

aap kii zaat har ik tarah se hai faKHr-e-zamaa.n

haq hai har aap kaa irshaad rasuul-e-’arabii

thak ga.e hind ke ye roz-o-shab-o-shaam-o-sahar

sunte sunte mirii fariyaad rasuul-e-’arabii

hijr-e-taiba me.n nahii.n ek gha.Dii mujh ko qaraar

zindagii ho ga.ii barbaad rasuul-e-’arabii

aap ke haath me.n hai meraa chaman merii bahaar

taak me.n hai mirii sayyaad rasuul-e-’arabii

ko.ii paidaa na hu.aa ko.ii na paidaa hogaa

aap jaisaa karam-iijaad rasuul-e-’arabii

big.Dii 'bahzaad' kii lillaah banaa de.n sarkaar

kyuuñ pareshaa.n rahe 'bahzaad' rasuul-e-’arabii

lab pe phir aa.ii hai fariyaad rasuul-e-’arabii

kiijiye haa.n mirii imdaad rasuul-e-’arabii

aap kii zaat har ik tarah se hai faKHr-e-zamaa.n

haq hai har aap kaa irshaad rasuul-e-’arabii

thak ga.e hind ke ye roz-o-shab-o-shaam-o-sahar

sunte sunte mirii fariyaad rasuul-e-’arabii

hijr-e-taiba me.n nahii.n ek gha.Dii mujh ko qaraar

zindagii ho ga.ii barbaad rasuul-e-’arabii

aap ke haath me.n hai meraa chaman merii bahaar

taak me.n hai mirii sayyaad rasuul-e-’arabii

ko.ii paidaa na hu.aa ko.ii na paidaa hogaa

aap jaisaa karam-iijaad rasuul-e-’arabii

big.Dii 'bahzaad' kii lillaah banaa de.n sarkaar

kyuuñ pareshaa.n rahe 'bahzaad' rasuul-e-’arabii