tire huzuur me.n sajde guzaartaa huu.n mai.n
isii tarah se muqaddar sa.nvaartaa huu.n mai.n
tujhe KHabar hai tujhe 'ilm hai tujhe ma.aluum
har ek haal me.n tujh ko pukaartaa huu.n mai.n
bichhii ho.ii hai isii tarah se bisaat-e-alam
na jiit.taa huu.n mai.n baazii na haartaa huu.n mai.n
tiraa karam hai ki mai.n KHud huu.n naa-KHudaa apnaa
jo Garq hotii hai kashtii ubhaartaa huu.n mai.n
tuuhii 'aliim tuuhii hai kHabiir-o-qaadir-e-kul
tujhe KHabar hai ki dil kis pe vaartaa huu.n mai.n
nahii.n hai tujh pe bharosa to aur ye kyaa hai
ki do-jahaa.n ko Thokar pe maartaa huu.n mai.n
bahaa rahaa huu.n jo aa.nsuu ye pai-ba-pai 'bahzaad'
kisii ke naam ke sadqe utaartaa huu.n mai.n
tire huzuur me.n sajde guzaartaa huu.n mai.n
isii tarah se muqaddar sa.nvaartaa huu.n mai.n
tujhe KHabar hai tujhe 'ilm hai tujhe ma.aluum
har ek haal me.n tujh ko pukaartaa huu.n mai.n
bichhii ho.ii hai isii tarah se bisaat-e-alam
na jiit.taa huu.n mai.n baazii na haartaa huu.n mai.n
tiraa karam hai ki mai.n KHud huu.n naa-KHudaa apnaa
jo Garq hotii hai kashtii ubhaartaa huu.n mai.n
tuuhii 'aliim tuuhii hai kHabiir-o-qaadir-e-kul
tujhe KHabar hai ki dil kis pe vaartaa huu.n mai.n
nahii.n hai tujh pe bharosa to aur ye kyaa hai
ki do-jahaa.n ko Thokar pe maartaa huu.n mai.n
bahaa rahaa huu.n jo aa.nsuu ye pai-ba-pai 'bahzaad'
kisii ke naam ke sadqe utaartaa huu.n mai.n
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
