'isyaa.n se hai daaman aaluuda ik chashm-e-karam ho shaah-e-umam

'isyaa.n se hai daaman aaluuda ik chashm-e-karam ho shaah-e-umam

yasrib ke dhanii allaah-Ganii yaa aalii-nasab sultaan-e-haram

miskiin huu.n mai.n taskiin mile muhtaaj huu.n mai.n merii laaj rahe

daaman me.n chhupaa kar laayaa huu.n sad-ashk-e-nadaamat ra.nj-o-alam

hai zaat terii kaa.inaat terii ab big.Dii banaa do baat merii

yaa shaah-e-'arab tere saa.il kii rah jaa.e sharam sab duur ho.n Gam

tadbiir merii taqsiir banii taqdiir kaa maaraa aayaa huu.n

fariyaad hai ab imdaad-e-talab yaa ummii-e-laqab muKHtaar-e-'ajam

mai.n duur pa.Daa huu.n saahil se mai.n bhaTkaa hu.aa huu.n manzil se

mai.n mujrim huu.n KHud mahram ho apnaa lenaa tere dar kii rasam

ai KHatm-e-rusul ai jaama-e-kul vallail zulf ai chashm-e-lutf

hasnain kaa sadqa-e-bhiik mile teraa 'qaadrii' huu.n tere dar kii qasam

'isyaa.n se hai daaman aaluuda ik chashm-e-karam ho shaah-e-umam

yasrib ke dhanii allaah-Ganii yaa aalii-nasab sultaan-e-haram

miskiin huu.n mai.n taskiin mile muhtaaj huu.n mai.n merii laaj rahe

daaman me.n chhupaa kar laayaa huu.n sad-ashk-e-nadaamat ra.nj-o-alam

hai zaat terii kaa.inaat terii ab big.Dii banaa do baat merii

yaa shaah-e-'arab tere saa.il kii rah jaa.e sharam sab duur ho.n Gam

tadbiir merii taqsiir banii taqdiir kaa maaraa aayaa huu.n

fariyaad hai ab imdaad-e-talab yaa ummii-e-laqab muKHtaar-e-'ajam

mai.n duur pa.Daa huu.n saahil se mai.n bhaTkaa hu.aa huu.n manzil se

mai.n mujrim huu.n KHud mahram ho apnaa lenaa tere dar kii rasam

ai KHatm-e-rusul ai jaama-e-kul vallail zulf ai chashm-e-lutf

hasnain kaa sadqa-e-bhiik mile teraa 'qaadrii' huu.n tere dar kii qasam