ai KHushaa vo aa.nkh jo din-raat dekhe ruu-e-shaiKH

ai KHushaa vo aa.nkh jo din-raat dekhe ruu-e-shaiKH

dil vahii dil hai jo ho aashufta-e-gesuu-e-shaikH

kaa’ba-e-dil jhuk pa.Degaa jaanib-e-abruu-e-shaikH

mu.nh rahegaa suu-e-kaa’ba dil rahegaa suu-e-shaikH

hai ye fatvaa-e-tariiqat ahl-e-'irfaa.n ke liye

bosa-gah hai baab-e-KHalvat sajda-gah hai kuu-e-shaiKH

kaun aayaa qabr par kis kii chamak hai zer-e-KHaak

aaftaab-e-'asr hai yaa hai ziyaa-e-ruu-e-shaiKH

vaa’izaa tujh ko mubaarak rauza-e-kHul-e-barii.n

kam nahii.n jannat se hai merii nazar me.n kuu-e-shaiKH

hai yahii dil kii tamannaa aa.e jab vaqt-e-aKHiir

dam labo.n par ho hamaaraa aur nazar bar ruu-e-shaiKH

KHaak-e-kaa'ba hai yahii KHaak-e-madiina hai yahii

'aarifo.n ke vaaste sab kuchh hai KHaak-e-kuu-e-shaiKH

mujh se majnuu.n ke liye zanjiir kii haajat nahii.n

mai.n azal se huu.n asiir-e-halqa-e-gesuu-e-shaikH

baada-e-'irfaa.n kii mastii hai 'ajab mastii 'fariid'

jaam-o-saaGar me.n nazar aataa hai ’aks-e-ruu-e-shaikH

ai KHushaa vo aa.nkh jo din-raat dekhe ruu-e-shaiKH

dil vahii dil hai jo ho aashufta-e-gesuu-e-shaikH

kaa’ba-e-dil jhuk pa.Degaa jaanib-e-abruu-e-shaikH

mu.nh rahegaa suu-e-kaa’ba dil rahegaa suu-e-shaikH

hai ye fatvaa-e-tariiqat ahl-e-'irfaa.n ke liye

bosa-gah hai baab-e-KHalvat sajda-gah hai kuu-e-shaiKH

kaun aayaa qabr par kis kii chamak hai zer-e-KHaak

aaftaab-e-'asr hai yaa hai ziyaa-e-ruu-e-shaiKH

vaa’izaa tujh ko mubaarak rauza-e-kHul-e-barii.n

kam nahii.n jannat se hai merii nazar me.n kuu-e-shaiKH

hai yahii dil kii tamannaa aa.e jab vaqt-e-aKHiir

dam labo.n par ho hamaaraa aur nazar bar ruu-e-shaiKH

KHaak-e-kaa'ba hai yahii KHaak-e-madiina hai yahii

'aarifo.n ke vaaste sab kuchh hai KHaak-e-kuu-e-shaiKH

mujh se majnuu.n ke liye zanjiir kii haajat nahii.n

mai.n azal se huu.n asiir-e-halqa-e-gesuu-e-shaikH

baada-e-'irfaa.n kii mastii hai 'ajab mastii 'fariid'

jaam-o-saaGar me.n nazar aataa hai ’aks-e-ruu-e-shaikH