ujaalaa hai nihaa.n qur.aan me.n ruu-e-mohammad kaa

ujaalaa hai nihaa.n qur.aan me.n ruu-e-mohammad kaa

ye aa.iina hai ik rukHsaar-o-gesuu-e-mohammad kaa

KHulaasa suura-e-vashshams kaa vallail kaa kyaa hai

ye partavai-e-hasii.n hai mus.haf-e-ruu-e-mohammad kaa

namaaz-e-ishq pa.Dhte hai.n tasavvur hii tasavvur me.n

banaa kar qibla ham mahraab abruu-e-mohammad kaa

yahii.n se laa-makaa.n ko jaada-e-asraar jaataa hai

KHudaa kaa raasta hai raasta kuu-e-mohamma kaa

jo kHushbuu-e-azal hai zehn me.n mahfuuz aadam ke

vo KHushbuu baab hai dar-asl kHushbuu-e-mohammad kaa

pa.Daa thaa bojh jab qur.aan kaa dosh mahammad par

tahayyur aafrii.n manzar thaa qaabuu-e-mohammad kaa

adam kii nii.nd so jaa.egaa 'saaGar' shor-e-mahshar me.n

jo mil jaaye sirhaanaa mujh ko zaanuu-e-mohammad kaa

ujaalaa hai nihaa.n qur.aan me.n ruu-e-mohammad kaa

ye aa.iina hai ik rukHsaar-o-gesuu-e-mohammad kaa

KHulaasa suura-e-vashshams kaa vallail kaa kyaa hai

ye partavai-e-hasii.n hai mus.haf-e-ruu-e-mohammad kaa

namaaz-e-ishq pa.Dhte hai.n tasavvur hii tasavvur me.n

banaa kar qibla ham mahraab abruu-e-mohammad kaa

yahii.n se laa-makaa.n ko jaada-e-asraar jaataa hai

KHudaa kaa raasta hai raasta kuu-e-mohamma kaa

jo kHushbuu-e-azal hai zehn me.n mahfuuz aadam ke

vo KHushbuu baab hai dar-asl kHushbuu-e-mohammad kaa

pa.Daa thaa bojh jab qur.aan kaa dosh mahammad par

tahayyur aafrii.n manzar thaa qaabuu-e-mohammad kaa

adam kii nii.nd so jaa.egaa 'saaGar' shor-e-mahshar me.n

jo mil jaaye sirhaanaa mujh ko zaanuu-e-mohammad kaa