dil me.n shah-e-kaunain kii jalva-figanii hai
dil me.n shah-e-kaunain kii jalva-figanii hai
Hafiz Mazharuddin Mazhar
MORE BYHafiz Mazharuddin Mazhar
dil me.n shah-e-kaunain kii jalva-figanii hai
ab dil kii fazaa rashk-e-bahaar-e-chamanii hai
jis dil me.n ki ’ishq-e-shah-e-makkii madnii hai
naayaab nagiina hai ’aqiiq-e-yamanii hai
gesuu-e-mohammad hai.n ki rahmat kii ghaTaa.e.n
'aariz kii sabaahat hai ki sub.h-e-chamanii hai
e'jaaz hii e'jaaz hai.n tere lab-e-guftaar
hikmat kaa KHaziina tirii shiirii.n-suKHanii hai
manzuur mujhe ’ishq-e-nabii me.n hai ta.Dapnaa
matluub miraa soz-e-uvais-e-qaranii hai
ai ganj-e-guhar-baar hai KHaalii miraa daaman
ai rahmat-e-kaunain tirii zaat Ganii hai
teraa hii karam siina-o-baazuu-e-’alii hai.n
terii hii 'ataa jazba-e-kHaibar-shikanii hai
ai sayyad-o-sultaan-e-umam terii duhaa.ii
aalaam ne gheraa hai mirii jaa.n pe banii hai
'maz.har' kii tab-o-taab se kuchh ham bhii hai.n vaaqif
jaa.n-daada-e-andaaz-e-uvais-e-qaranii hai
dil me.n shah-e-kaunain kii jalva-figanii hai
ab dil kii fazaa rashk-e-bahaar-e-chamanii hai
jis dil me.n ki ’ishq-e-shah-e-makkii madnii hai
naayaab nagiina hai ’aqiiq-e-yamanii hai
gesuu-e-mohammad hai.n ki rahmat kii ghaTaa.e.n
'aariz kii sabaahat hai ki sub.h-e-chamanii hai
e'jaaz hii e'jaaz hai.n tere lab-e-guftaar
hikmat kaa KHaziina tirii shiirii.n-suKHanii hai
manzuur mujhe ’ishq-e-nabii me.n hai ta.Dapnaa
matluub miraa soz-e-uvais-e-qaranii hai
ai ganj-e-guhar-baar hai KHaalii miraa daaman
ai rahmat-e-kaunain tirii zaat Ganii hai
teraa hii karam siina-o-baazuu-e-’alii hai.n
terii hii 'ataa jazba-e-kHaibar-shikanii hai
ai sayyad-o-sultaan-e-umam terii duhaa.ii
aalaam ne gheraa hai mirii jaa.n pe banii hai
'maz.har' kii tab-o-taab se kuchh ham bhii hai.n vaaqif
jaa.n-daada-e-andaaz-e-uvais-e-qaranii hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
