'ajab rutba janaab kHvaaja-e-ajmer kaa paayaa

'ajab rutba janaab kHvaaja-e-ajmer kaa paayaa

sharii'at me.n tariiqat me.n shahanshaah valaa paayaa

na kyuu.n naazaa.n ho.n ham misl-e-sikandar apne taale.a par

mohammad saa shafii' hai aur tujh saa rahnumaa paayaa

shab-e-me'araaj jo KHirqa milaa shaah-e-do-'aalam ko

vahii tum ne mire KHvaaja rasuul-allaah kaa paayaa

nahii.n taaqat zabaa.n me.n shukr-e-KHaaliq ho adaa kyuu.n kar

ki us ke fazl se hindal-valii saa rahnumaa paayaa

ba-kHatt-e-nuur peshaanii-e-aqdas par dam-e-rehlat

habiibul-ummaat fii va-hubbillaah likhaa paayaa

ta.aalallaah teraa vasf kyaa mai.n kyaa zabaa.n merii

ki tuu ne rutba-e-'aala fanaa fillaah kaa paayaa

tu.ii haajat-ravaa-e-ahl-e-haajat vaqt-e-mushkil hai

mu'iin-o-dastgiir-e-be-kasaa.n mushkil-kushaa paayaa

jilaa diin-e-nabii ko aap ne dii hind me.n aa kar

kHitaab-e-kHvaaja-e-akbar mu'iinuddiin kaa paayaa

gayaa jo ahl-e-haajat jab tire darbaar-e-aqdas me.n

muraade.n us kii bar aa.e.n jo kuchh thaa mudda'aa paayaa

sharii'at aur tariiqat maa'rifat ke aap maKHzan hai.n

haqiiqat me.n KHizr tum ko rah-e-irshaad kaa paayaa

agar chashm-e-haqiiqat se kisii ne aap ko dekhaa

to fil-vaaqe.a tumhe.n naa.eb rasuulullaah kaa paayaa

judaa.ii me.n tumhaarii ‘haafiz’-e-muztar ta.Daptaa hai

yahii afsos hai kab se na diidaar aap kaa paayaa

'ajab rutba janaab kHvaaja-e-ajmer kaa paayaa

sharii'at me.n tariiqat me.n shahanshaah valaa paayaa

na kyuu.n naazaa.n ho.n ham misl-e-sikandar apne taale.a par

mohammad saa shafii' hai aur tujh saa rahnumaa paayaa

shab-e-me'araaj jo KHirqa milaa shaah-e-do-'aalam ko

vahii tum ne mire KHvaaja rasuul-allaah kaa paayaa

nahii.n taaqat zabaa.n me.n shukr-e-KHaaliq ho adaa kyuu.n kar

ki us ke fazl se hindal-valii saa rahnumaa paayaa

ba-kHatt-e-nuur peshaanii-e-aqdas par dam-e-rehlat

habiibul-ummaat fii va-hubbillaah likhaa paayaa

ta.aalallaah teraa vasf kyaa mai.n kyaa zabaa.n merii

ki tuu ne rutba-e-'aala fanaa fillaah kaa paayaa

tu.ii haajat-ravaa-e-ahl-e-haajat vaqt-e-mushkil hai

mu'iin-o-dastgiir-e-be-kasaa.n mushkil-kushaa paayaa

jilaa diin-e-nabii ko aap ne dii hind me.n aa kar

kHitaab-e-kHvaaja-e-akbar mu'iinuddiin kaa paayaa

gayaa jo ahl-e-haajat jab tire darbaar-e-aqdas me.n

muraade.n us kii bar aa.e.n jo kuchh thaa mudda'aa paayaa

sharii'at aur tariiqat maa'rifat ke aap maKHzan hai.n

haqiiqat me.n KHizr tum ko rah-e-irshaad kaa paayaa

agar chashm-e-haqiiqat se kisii ne aap ko dekhaa

to fil-vaaqe.a tumhe.n naa.eb rasuulullaah kaa paayaa

judaa.ii me.n tumhaarii ‘haafiz’-e-muztar ta.Daptaa hai

yahii afsos hai kab se na diidaar aap kaa paayaa