hai nuur-e-mohammad kii jhalak charKH-e-kuhan me.n
hai nuur-e-mohammad kii jhalak charKH-e-kuhan me.n
Akbar Warsi Meerthi
MORE BYAkbar Warsi Meerthi
hai nuur-e-mohammad kii jhalak charKH-e-kuhan me.n
har ra.ng me.n bele me.n chamelii me.n saman me.n
gar yuu.n hii rahii aag mohabbat kii badan me.n
u.D jaa.uu.ngaa kaafuur lagaate hii kafan me.n
us sarvar-e-'aalam ke pasiina kii ziyaa se
buu mushk-e-KHutan me.n hai chaman laa'l-e-yaman me.n
fariyaad hai fariyaad hai ai daavar-e-mahshar
zahraa kaa chaman luuT liyaa shaam ke ban me.n
ye 'ishq ghulaavegaa mujhe shama' kii suurat
phuu.nkaa hai jigar aag lagaa dii hai badan me.n
hai us gul-e-vahdat ke pasiina se mohabbat
ahbaab male.n 'itr vahii mere kafan me.n
'akbar' hai miraa naam sanaa-KHvaan-e-nabii huu.n
bulbul saa chahaktaa huu.n gulistaan-e-suKHan me.n
hai nuur-e-mohammad kii jhalak charKH-e-kuhan me.n
har ra.ng me.n bele me.n chamelii me.n saman me.n
gar yuu.n hii rahii aag mohabbat kii badan me.n
u.D jaa.uu.ngaa kaafuur lagaate hii kafan me.n
us sarvar-e-'aalam ke pasiina kii ziyaa se
buu mushk-e-KHutan me.n hai chaman laa'l-e-yaman me.n
fariyaad hai fariyaad hai ai daavar-e-mahshar
zahraa kaa chaman luuT liyaa shaam ke ban me.n
ye 'ishq ghulaavegaa mujhe shama' kii suurat
phuu.nkaa hai jigar aag lagaa dii hai badan me.n
hai us gul-e-vahdat ke pasiina se mohabbat
ahbaab male.n 'itr vahii mere kafan me.n
'akbar' hai miraa naam sanaa-KHvaan-e-nabii huu.n
bulbul saa chahaktaa huu.n gulistaan-e-suKHan me.n
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
