baaG jannat ke hai.n bahr-e-mad.h-KHvaan-e-ahl-e-bait

baaG jannat ke hai.n bahr-e-mad.h-KHvaan-e-ahl-e-bait

tum ko muzhda naar kaa ai dushmanaan-e-ahl-e-bait

kis zabaa.n se ho bayaa.n ’izz-o-shaan-e-ahl-e-bait

mad.h-go.e-mustafaa hai mad.h-KHvaan-e-ahl-e-bait

un kii paakii kaa KHudaa-e-paak kartaa hai bayaa.n

aaya-e-tathiir se zaahir hai shaan-e-ahl-e-bait

mustafaa 'izzat ba.Dhaane ke liye taa'ziim de.n

hai buland iqbaal teraa duudmaan-e-ahl-e-bait

un ke ghar me.n be-ijaazat jibra.iil aate nahii.n

qadr vaale jaante hai.n qadr-o-shaan-e-ahl-e-bait

mustafaa baa.e KHariidaar us kaa allaah mushtarii

KHuub chaandii kar rahaa hai kaarvaan-e-ahl-e-bait

razm kaa maidaa.n banaa hai jalvaa-gaah-e-husn-o-’ishq

karbalaa me.n ho rahaa hai imtihaan-e-ahl-e-bait

phuul zaKHmo.n ke khilaa.e hai.n havaa-e-dost ne

KHuun se sii.nchaa gayaa hai gulsitaan-e-ahl-e-bait

huure.n kartii hai.n ’aruusaan-e-shahaadat kaa si.ngaar

KHuub-ruu duulhaa banaa hai har javaan-e-ahl-e-bait

ho ga.ii tahqiiq-e-'iid diid aab-e-teG se

apne roze kholte hai.n saa.imaan-e-ahl-e-bait

jum.a kaa din hai kitaabe.n ziist kii tai kar ke aaj

khelte hai.n jaan par shahzaadgaan-e-ahl-e-bait

ai shabaab-e-fasl-e-gul ye chal ga.ii kaisii havaa

kaT rahaa hai lahlahaataa bostaan-e-ahl-e-bait

kaa shaqii kii hai hukuumat haa.e kyaa andher hai

din-dahaa.De luT rahaa hai kaarvaan-e-ahl-e-bait

KHushk ho jaa KHaak ho kar KHaak me.n mil jaa furaat

KHaak tujh par dekh to suukhii zabaan-e-ahl-e-bait

KHaak par 'abbaas-o-'usmaan-e-’alam-bardaar hai.n

be-kasii ab kaun uThaa.egaa nishaan-e-ahl-e-bait

terii qudrat jaanvar tak aab se sairaab ho.n

pyaas kii shiddat me.n ta.Dpe be-zabaan-e-ahl-e-bait

qaafila-saalaar manzil ko chale hai.n sau.np kar

vaaris-e-be-vaarisaa.n ko kaarvaan-e-ahl-e-bait

faatima ke laaDle kaa aaKHirii diidaar hai

hashr kaa ha.ngaama barpaa hai miyaan-e-ahl-e-bait

vaqt-e-ruKHsat kah rahaa hai KHaak me.n miltaa suhaag

lo salaam-e-aaKHirii ai bevagaan-e-ahl-e-bait

abr fauj-e-dushmanaa.n me.n ai falak yuu.n Duub jaa

faatima kaa chaa.nd mehr-e-aasmaan-e-ahl-e-bait

kis maze kii lazzate.n hai.n aab-e-teG-e-yaar me.n

KHaak-o-KHuu.n me.n loTte hai.n tishnigaan-e-ahl-e-biit

baaG-e-jannat chho.D kar aa.e hai.n mahbuub-e-KHudaa

ai zahe-qismat tumhaarii kushtagaan-e-ahl-e-bait

huure.n be-parda nikal aa.ii hai.n sar khole hue

aaj kaisaa hashr hai yaa rab miyaan-e-ahl-e-bait

ko.ii kyuu.n puuchhe kisii ko kyaa Garaz ai be-kasii

aaj kaisaa hai mariiz-e-niim-e-jaan-e-ahl-e-biit

ghar luTaanaa jaan denaa ko.ii tujh se siikh jaa.e

jaan-e-’aalam ho fidaa ai KHaandaan-e-ahl-e-bait

sar shahiidaan-e-mohabbat ke hai.n nezo.n par buland

aur uu.nchii kii KHudaa ne qadr-o-shaan-e-ahl-e-bait

daulat-e-diidaar paa.ii paak-e-jaane.n bech kar

karbalaa me.n KHuub hii chamkii dukaan-e-ahl-e-biit

zaKHm khaane ko to aab-e-teG piine ko diyaa

KHuub daa'vat kii bulaa kar dushmanaan-e-ahl-e-bait

apnaa saudaa bech kar baazaar suunaa kar ga.e

kaun sii bastii basaa.ii taajiraan-e-ahl-e-bait

ahl-e-bait-e-paak se gustaaKHiyaa.n be-baakiyaa.n

la’natullaah-e-’alaikum dushmanaan-e-ahl-e-bait

be-adab gustaakH-firqa ko sunaa de ai 'hasan'

yuu.n kahaa karte hai.n sunnii daastaan-e-ahl-e-bait

baaG jannat ke hai.n bahr-e-mad.h-KHvaan-e-ahl-e-bait

tum ko muzhda naar kaa ai dushmanaan-e-ahl-e-bait

kis zabaa.n se ho bayaa.n ’izz-o-shaan-e-ahl-e-bait

mad.h-go.e-mustafaa hai mad.h-KHvaan-e-ahl-e-bait

un kii paakii kaa KHudaa-e-paak kartaa hai bayaa.n

aaya-e-tathiir se zaahir hai shaan-e-ahl-e-bait

mustafaa 'izzat ba.Dhaane ke liye taa'ziim de.n

hai buland iqbaal teraa duudmaan-e-ahl-e-bait

un ke ghar me.n be-ijaazat jibra.iil aate nahii.n

qadr vaale jaante hai.n qadr-o-shaan-e-ahl-e-bait

mustafaa baa.e KHariidaar us kaa allaah mushtarii

KHuub chaandii kar rahaa hai kaarvaan-e-ahl-e-bait

razm kaa maidaa.n banaa hai jalvaa-gaah-e-husn-o-’ishq

karbalaa me.n ho rahaa hai imtihaan-e-ahl-e-bait

phuul zaKHmo.n ke khilaa.e hai.n havaa-e-dost ne

KHuun se sii.nchaa gayaa hai gulsitaan-e-ahl-e-bait

huure.n kartii hai.n ’aruusaan-e-shahaadat kaa si.ngaar

KHuub-ruu duulhaa banaa hai har javaan-e-ahl-e-bait

ho ga.ii tahqiiq-e-'iid diid aab-e-teG se

apne roze kholte hai.n saa.imaan-e-ahl-e-bait

jum.a kaa din hai kitaabe.n ziist kii tai kar ke aaj

khelte hai.n jaan par shahzaadgaan-e-ahl-e-bait

ai shabaab-e-fasl-e-gul ye chal ga.ii kaisii havaa

kaT rahaa hai lahlahaataa bostaan-e-ahl-e-bait

kaa shaqii kii hai hukuumat haa.e kyaa andher hai

din-dahaa.De luT rahaa hai kaarvaan-e-ahl-e-bait

KHushk ho jaa KHaak ho kar KHaak me.n mil jaa furaat

KHaak tujh par dekh to suukhii zabaan-e-ahl-e-bait

KHaak par 'abbaas-o-'usmaan-e-’alam-bardaar hai.n

be-kasii ab kaun uThaa.egaa nishaan-e-ahl-e-bait

terii qudrat jaanvar tak aab se sairaab ho.n

pyaas kii shiddat me.n ta.Dpe be-zabaan-e-ahl-e-bait

qaafila-saalaar manzil ko chale hai.n sau.np kar

vaaris-e-be-vaarisaa.n ko kaarvaan-e-ahl-e-bait

faatima ke laaDle kaa aaKHirii diidaar hai

hashr kaa ha.ngaama barpaa hai miyaan-e-ahl-e-bait

vaqt-e-ruKHsat kah rahaa hai KHaak me.n miltaa suhaag

lo salaam-e-aaKHirii ai bevagaan-e-ahl-e-bait

abr fauj-e-dushmanaa.n me.n ai falak yuu.n Duub jaa

faatima kaa chaa.nd mehr-e-aasmaan-e-ahl-e-bait

kis maze kii lazzate.n hai.n aab-e-teG-e-yaar me.n

KHaak-o-KHuu.n me.n loTte hai.n tishnigaan-e-ahl-e-biit

baaG-e-jannat chho.D kar aa.e hai.n mahbuub-e-KHudaa

ai zahe-qismat tumhaarii kushtagaan-e-ahl-e-bait

huure.n be-parda nikal aa.ii hai.n sar khole hue

aaj kaisaa hashr hai yaa rab miyaan-e-ahl-e-bait

ko.ii kyuu.n puuchhe kisii ko kyaa Garaz ai be-kasii

aaj kaisaa hai mariiz-e-niim-e-jaan-e-ahl-e-biit

ghar luTaanaa jaan denaa ko.ii tujh se siikh jaa.e

jaan-e-’aalam ho fidaa ai KHaandaan-e-ahl-e-bait

sar shahiidaan-e-mohabbat ke hai.n nezo.n par buland

aur uu.nchii kii KHudaa ne qadr-o-shaan-e-ahl-e-bait

daulat-e-diidaar paa.ii paak-e-jaane.n bech kar

karbalaa me.n KHuub hii chamkii dukaan-e-ahl-e-biit

zaKHm khaane ko to aab-e-teG piine ko diyaa

KHuub daa'vat kii bulaa kar dushmanaan-e-ahl-e-bait

apnaa saudaa bech kar baazaar suunaa kar ga.e

kaun sii bastii basaa.ii taajiraan-e-ahl-e-bait

ahl-e-bait-e-paak se gustaaKHiyaa.n be-baakiyaa.n

la’natullaah-e-’alaikum dushmanaan-e-ahl-e-bait

be-adab gustaakH-firqa ko sunaa de ai 'hasan'

yuu.n kahaa karte hai.n sunnii daastaan-e-ahl-e-bait