pur-nuur hai zamaana sub.h-e-shab-e-vilaayat

pur-nuur hai zamaana sub.h-e-shab-e-vilaayat

parda uThaa hai kis kaa sub.h-e-shab-e-vilaayat

jalva hai haq kaa jalva sub.h-e-shab-e-vilaayat

saaya KHudaa kaa saaya sub.h-e-shab-e-vilaayat

fasl-e-bahaar aa.ii shakl-e-nigaar aa.ii

gulzaar hai zamaana sub.h-e-shab-e-vilaayat

phuulo.n se baaG mahke shaaKHo.n pe murG chahke

'ahd-e-bahaar aayaa sub.h-e-shab-e-vilaayat

pazhmurda hasrato.n ke sab khet lahlahaa.e

jaarii hu.aa vo dariyaa sub.h-e-shab-e-vilaayat

gil hai charaaG-e-sarsar gul se chaman mo'attar

aayaa kuchh aisaa jho.nkaa sub.h-e-shab-e-vilaayat

qatra me.n laakh dariyaa gul me.n hazaar gulshan

nushuu-o-numaa hai kyaa kyaa sub.h-e-shab-e-vilaayat

jannat ke har makaa.n kii aa.iina-bandiyaa.n hai.n

aaraasta hai duniyaa sub.h-e-shab-e-vilaayat

dil jagmagaa rahe hai.n qismat chamak uThii hai

phailaa nayaa ujaalaa sub.h-e-shab-e-vilaayat

chikTe hue dilo.n ke muddat ke mel chhuuTe

abr-e-karam vo barsaa sub.h-e-shab-e-vilaayat

bulbul kaa aashiyaana chhaayaa gayaa gulo.n se

qismat ne ra.ng badlaa sub.h-e-shab-e-vilaayat

arz-o-samaa se ma.ngtaa dau.De hai.n bhiik lene

baa.nTegaa kaun baa.Daa sub.h-e-shab-e-vilaayat

anvaar kii ziyaa.e.n phailii hai.n shaam hii se

rakhtii hai mehr kaisaa sub.h-e-shab-e-vilaayat

makka me.n shaam ke ghar raushan hai.n har nigah par

chamkaa hai vo ujaalaa sub.h-e-shab-e-vilaayat

shaukat kaa dabdaba hai haibat kaa zalzala hai

shaq hai makaan-e-kisraa sub.h-e-shab-e-vilaayat

KHutba hu.aa zamii.n par sikka pa.Daa falak par

paayaa jahaa.n ne aaqaa sub.h-e-shab-e-vilaayat

aa.ii na.ii hukuumat sikka nayaa chille gaa

'aalam ne ra.ng badlaa sub.h-e-shab-e-vilaayat

ruuh-ul-amii.n ne gaa.Daa kaa'ba kii chhat pe jhanDaa

taa-’arsh u.Daa phareraa sub.h-e-shab-e-vilaayat

dono.n jahaa.n kii shaahii naa-katkHudaa dulhan thii

paayaa dulhan ne dulhaa sub.h-e-shab-e-vilaayat

pa.Dhte hai.n 'arsh vaale sunte hai.n farsh vaale

sultaan-e-nau kaa KHutba sub.h-e-shab-e-vilaayat

chaandii hai mufliso.n kii baa.ndii hai KHush-nasiibii

aayaa karam kaa daataa sub.h-e-shab-e-vilaayat

'aalam ke daftaro.n me.n tarmiim ho rahii hai

badlaa hai ra.ng-e-duniyaa sub.h-e-shab-e-vilaayat

zulmat ke sab register harf-e-Galat hue hai.n

kaaTaa gayaa siyaahaa sub.h-e-shab-e-vilaayat

mulk-e-azal kaa sarvar sab sarvaro.n kaa afsar

taKHt-e-abad pe baiThaa sub.h-e-shab-e-vilaayat

suukhaa pa.Daa hai saavaa dariyaa hu.aa samaavaa

hai KHushk-o-tar pe qabza sub.h-e-shab-e-vilaayat

navaabiyaa.n sudhaare.n jaarii hai.n shaahii aa.ii.n

kachchaa hu.aa 'ilaaqa sub.h-e-shab-e-vilaayat

din phir ga.e hamaare sote nasiib jaage

KHurshiid hii vo chamkaa sub.h-e-shab-e-vilaayat

qurbaan ai do-shmba tujh par hazaar jum'e

vo fazl tuu ne paayaa sub.h-e-shab-e-vilaayat

pyaare rabii’-e-avval terii jhalak ke sadqe

chamkaa diyaa nasiiba sub.h-e-shab-e-vilaayat

vo mehr mehr farmaa vo maah-e-'aalam-aaraa

taaro.n kii chhaa.o.n aayaa sub.h-e-shab-e-vilaayat

nausha banaa.o un ko duulhaa banaa.o un ko

hai 'arsh tak ye shohraa sub.h-e-shab-e-vilaayat

shaadii rachii hu.ii hai bajte hai.n shaadiyaane

duulhaa banaa vo duulhaa sub.h-e-shab-e-vilaayat

mahrūm rah na jaa.e.n din-raat barkato.n se

is vaaste vo aayaa sub.h-e-shab-e-vilaayat

'arsh-e-'aziim jhuume kaa'ba zamiin chuume

aataa hai 'arsh vaalaa sub.h-e-shab-e-vilaayat

hushyaar ho.n bhikaarii nazdiik hai savaarii

ye kah rahaa hai Da.nkaa sub.h-e-shab-e-vilaayat

bando.n ko ’aish-o-shaadii aa'daa ko naa-muraadii

ka.Dkait kaa hai ka.Dkaa sub.h-e-shab-e-vilaayat

taare Dhulak kar aa.e kaase kaTore laa.e

ya.anii baTegaa sadqa sub.h-e-shab-e-vilaayat

aamad kaa shor sun kar ghar aa.e hai.n bhikaarii

ghere kha.De hai.n rasta sub.h-e-shab-e-vilaayat

har jaan muntazir hai har diida rah nagar hai

GauGaa hai marhabaa kaa sub.h-e-shab-e-vilaayat

jibriil sar jhukaa.e qudsii pare jamaa.e

hai.n sarv-e-qad sitaada sub.h-e-shab-e-vilaayat

kis daab kis adab se kis josh kis tarab se

pa.Dhte hai.n un kaa kalima sub.h-e-shab-e-vilaayat

haa.n diin vaalo uTTho taa'ziim vaalo uTTho

aayaa tumhaaraa maulaa sub.h-e-shab-e-vilaayat

uTTho huzuur aa.e shaah-e-Gayuur aa.e

sultaan-e-diin-o-duniyaa sub.h-e-shab-e-vilaayat

uTho mulak uThe hai.n arsh va falak uTTai hii.n

karte hai.n un ko sajda sub.h-e-shab-e-vilaayat

aa.o faqiiro aa.o mu.nh maa.ngii aas paa.o

baab-e-kariim hai vaa sub.h-e-shab-e-vilaayat

suukhii zabaano.n aa.o ai jaltii jaano.n aa.o

lahraa rahaa hai dariyaa sub.h-e-shab-e-vilaayat

murjhaa.ii kaliyo.n aa.o kumhlaa.e phuulo.n aa.o

barsaa karam kaa jhaalaa sub.h-e-shab-e-vilaayat

terii chamak damak se 'aalam chamak rahaa hai

mere bhii baKHt chamkaa sub.h-e-shab-e-vilaayat

taariik raat Gam kii laa.ii balaa sitam kii

sadqa tajalliyo.n kaa sub.h-e-shab-e-vilaayat

laayaa hai sher teraa nuur-e-KHudaa kaa jalva

dil kar de duudh dhoyaa sub.h-e-shab-e-vilaayat

baa.nTaa hai do-jahaa.n me.n tuu ne ziyaa kaa baa.Daa

de de 'hasan' kaa hissa sub.h-e-shab-e-vilaayat

pur-nuur hai zamaana sub.h-e-shab-e-vilaayat

parda uThaa hai kis kaa sub.h-e-shab-e-vilaayat

jalva hai haq kaa jalva sub.h-e-shab-e-vilaayat

saaya KHudaa kaa saaya sub.h-e-shab-e-vilaayat

fasl-e-bahaar aa.ii shakl-e-nigaar aa.ii

gulzaar hai zamaana sub.h-e-shab-e-vilaayat

phuulo.n se baaG mahke shaaKHo.n pe murG chahke

'ahd-e-bahaar aayaa sub.h-e-shab-e-vilaayat

pazhmurda hasrato.n ke sab khet lahlahaa.e

jaarii hu.aa vo dariyaa sub.h-e-shab-e-vilaayat

gil hai charaaG-e-sarsar gul se chaman mo'attar

aayaa kuchh aisaa jho.nkaa sub.h-e-shab-e-vilaayat

qatra me.n laakh dariyaa gul me.n hazaar gulshan

nushuu-o-numaa hai kyaa kyaa sub.h-e-shab-e-vilaayat

jannat ke har makaa.n kii aa.iina-bandiyaa.n hai.n

aaraasta hai duniyaa sub.h-e-shab-e-vilaayat

dil jagmagaa rahe hai.n qismat chamak uThii hai

phailaa nayaa ujaalaa sub.h-e-shab-e-vilaayat

chikTe hue dilo.n ke muddat ke mel chhuuTe

abr-e-karam vo barsaa sub.h-e-shab-e-vilaayat

bulbul kaa aashiyaana chhaayaa gayaa gulo.n se

qismat ne ra.ng badlaa sub.h-e-shab-e-vilaayat

arz-o-samaa se ma.ngtaa dau.De hai.n bhiik lene

baa.nTegaa kaun baa.Daa sub.h-e-shab-e-vilaayat

anvaar kii ziyaa.e.n phailii hai.n shaam hii se

rakhtii hai mehr kaisaa sub.h-e-shab-e-vilaayat

makka me.n shaam ke ghar raushan hai.n har nigah par

chamkaa hai vo ujaalaa sub.h-e-shab-e-vilaayat

shaukat kaa dabdaba hai haibat kaa zalzala hai

shaq hai makaan-e-kisraa sub.h-e-shab-e-vilaayat

KHutba hu.aa zamii.n par sikka pa.Daa falak par

paayaa jahaa.n ne aaqaa sub.h-e-shab-e-vilaayat

aa.ii na.ii hukuumat sikka nayaa chille gaa

'aalam ne ra.ng badlaa sub.h-e-shab-e-vilaayat

ruuh-ul-amii.n ne gaa.Daa kaa'ba kii chhat pe jhanDaa

taa-’arsh u.Daa phareraa sub.h-e-shab-e-vilaayat

dono.n jahaa.n kii shaahii naa-katkHudaa dulhan thii

paayaa dulhan ne dulhaa sub.h-e-shab-e-vilaayat

pa.Dhte hai.n 'arsh vaale sunte hai.n farsh vaale

sultaan-e-nau kaa KHutba sub.h-e-shab-e-vilaayat

chaandii hai mufliso.n kii baa.ndii hai KHush-nasiibii

aayaa karam kaa daataa sub.h-e-shab-e-vilaayat

'aalam ke daftaro.n me.n tarmiim ho rahii hai

badlaa hai ra.ng-e-duniyaa sub.h-e-shab-e-vilaayat

zulmat ke sab register harf-e-Galat hue hai.n

kaaTaa gayaa siyaahaa sub.h-e-shab-e-vilaayat

mulk-e-azal kaa sarvar sab sarvaro.n kaa afsar

taKHt-e-abad pe baiThaa sub.h-e-shab-e-vilaayat

suukhaa pa.Daa hai saavaa dariyaa hu.aa samaavaa

hai KHushk-o-tar pe qabza sub.h-e-shab-e-vilaayat

navaabiyaa.n sudhaare.n jaarii hai.n shaahii aa.ii.n

kachchaa hu.aa 'ilaaqa sub.h-e-shab-e-vilaayat

din phir ga.e hamaare sote nasiib jaage

KHurshiid hii vo chamkaa sub.h-e-shab-e-vilaayat

qurbaan ai do-shmba tujh par hazaar jum'e

vo fazl tuu ne paayaa sub.h-e-shab-e-vilaayat

pyaare rabii’-e-avval terii jhalak ke sadqe

chamkaa diyaa nasiiba sub.h-e-shab-e-vilaayat

vo mehr mehr farmaa vo maah-e-'aalam-aaraa

taaro.n kii chhaa.o.n aayaa sub.h-e-shab-e-vilaayat

nausha banaa.o un ko duulhaa banaa.o un ko

hai 'arsh tak ye shohraa sub.h-e-shab-e-vilaayat

shaadii rachii hu.ii hai bajte hai.n shaadiyaane

duulhaa banaa vo duulhaa sub.h-e-shab-e-vilaayat

mahrūm rah na jaa.e.n din-raat barkato.n se

is vaaste vo aayaa sub.h-e-shab-e-vilaayat

'arsh-e-'aziim jhuume kaa'ba zamiin chuume

aataa hai 'arsh vaalaa sub.h-e-shab-e-vilaayat

hushyaar ho.n bhikaarii nazdiik hai savaarii

ye kah rahaa hai Da.nkaa sub.h-e-shab-e-vilaayat

bando.n ko ’aish-o-shaadii aa'daa ko naa-muraadii

ka.Dkait kaa hai ka.Dkaa sub.h-e-shab-e-vilaayat

taare Dhulak kar aa.e kaase kaTore laa.e

ya.anii baTegaa sadqa sub.h-e-shab-e-vilaayat

aamad kaa shor sun kar ghar aa.e hai.n bhikaarii

ghere kha.De hai.n rasta sub.h-e-shab-e-vilaayat

har jaan muntazir hai har diida rah nagar hai

GauGaa hai marhabaa kaa sub.h-e-shab-e-vilaayat

jibriil sar jhukaa.e qudsii pare jamaa.e

hai.n sarv-e-qad sitaada sub.h-e-shab-e-vilaayat

kis daab kis adab se kis josh kis tarab se

pa.Dhte hai.n un kaa kalima sub.h-e-shab-e-vilaayat

haa.n diin vaalo uTTho taa'ziim vaalo uTTho

aayaa tumhaaraa maulaa sub.h-e-shab-e-vilaayat

uTTho huzuur aa.e shaah-e-Gayuur aa.e

sultaan-e-diin-o-duniyaa sub.h-e-shab-e-vilaayat

uTho mulak uThe hai.n arsh va falak uTTai hii.n

karte hai.n un ko sajda sub.h-e-shab-e-vilaayat

aa.o faqiiro aa.o mu.nh maa.ngii aas paa.o

baab-e-kariim hai vaa sub.h-e-shab-e-vilaayat

suukhii zabaano.n aa.o ai jaltii jaano.n aa.o

lahraa rahaa hai dariyaa sub.h-e-shab-e-vilaayat

murjhaa.ii kaliyo.n aa.o kumhlaa.e phuulo.n aa.o

barsaa karam kaa jhaalaa sub.h-e-shab-e-vilaayat

terii chamak damak se 'aalam chamak rahaa hai

mere bhii baKHt chamkaa sub.h-e-shab-e-vilaayat

taariik raat Gam kii laa.ii balaa sitam kii

sadqa tajalliyo.n kaa sub.h-e-shab-e-vilaayat

laayaa hai sher teraa nuur-e-KHudaa kaa jalva

dil kar de duudh dhoyaa sub.h-e-shab-e-vilaayat

baa.nTaa hai do-jahaa.n me.n tuu ne ziyaa kaa baa.Daa

de de 'hasan' kaa hissa sub.h-e-shab-e-vilaayat