dil dard se bismil kii tarah loT rahaa ho

dil dard se bismil kii tarah loT rahaa ho

siina pe tasallii ko tiraa haath dharaa ho

kyuu.n apnii galii me.n vo ravaadaar sadaa ho

jo bhiik liye raah-e-gadaa dekh rahaa ho

gar vaqt-e-ajal sar tirii chaukhaT pe jhukaa ho

jitnii ho qazaa ek hii sajda me.n adaa ho

ham-saaya-e-rahmat hai tiraa saaya-e-diivaar

rutbaa se tanazzul kare tuu zill-e-humaa ho

mauquuf nahii.n sub.h-e-qayaamat hii pe ye 'arz

jab aa.nkh khule saamne tuu jalva-numaa ho

de us ko dam-e-naza' agar huur jo saaGar

mu.nh pher le jo tishna-e-diidaar tiraa ho

firdaus ke baaGo.n se idhar mil nahii.n sakta

jo ko.ii madiina ke bayaabaa.n me.n gumaa ho

dekhaa unhe.n mahshar me.n to rahmat ne pukaaraa

aazaad hai jo aap ke daaman se bandhaa ho

aataa hai faqiiro.n pe unhe.n pyaar kuchh aisaa

KHud bhiik de.n aur KHud kahe.n ma.ngtaa kaa bhalaa ho

viiraa.n ho.n jab aabaad makaa.n sub.h-e-qayaamat

uj.Daa hu.aa dil aap ke jalvo.n se basaa ho

Dhuu.nDhaa hii kare.n sadr-e-qayaamat ke sipaahii

vo kis ko mile jo tire daaman me.n chhapaa ho

jab dene ko bhiik aa.e sar-e-kuu-e-gadaayaa.n

lab par ye du'aa thii mire ma.ngtaa kaa bhalaa ho

jhuk kar unhe.n milnaa hai har ik KHaak-nashii.n se

kis vaaste niichaa na vo daamaan-e-qabaa ho

tum ko to Gulaamo.n se hai kuchh aisii mohabbat

hai tark-e-adab varna kahii.n ham pe fidaa ho

de Daaliye apne lab-e-jaa.n-baKHsh kaa sadqe

ai chaara-e-dil dard-e-‘hasan’ kii jo davaa ho

dil dard se bismil kii tarah loT rahaa ho

siina pe tasallii ko tiraa haath dharaa ho

kyuu.n apnii galii me.n vo ravaadaar sadaa ho

jo bhiik liye raah-e-gadaa dekh rahaa ho

gar vaqt-e-ajal sar tirii chaukhaT pe jhukaa ho

jitnii ho qazaa ek hii sajda me.n adaa ho

ham-saaya-e-rahmat hai tiraa saaya-e-diivaar

rutbaa se tanazzul kare tuu zill-e-humaa ho

mauquuf nahii.n sub.h-e-qayaamat hii pe ye 'arz

jab aa.nkh khule saamne tuu jalva-numaa ho

de us ko dam-e-naza' agar huur jo saaGar

mu.nh pher le jo tishna-e-diidaar tiraa ho

firdaus ke baaGo.n se idhar mil nahii.n sakta

jo ko.ii madiina ke bayaabaa.n me.n gumaa ho

dekhaa unhe.n mahshar me.n to rahmat ne pukaaraa

aazaad hai jo aap ke daaman se bandhaa ho

aataa hai faqiiro.n pe unhe.n pyaar kuchh aisaa

KHud bhiik de.n aur KHud kahe.n ma.ngtaa kaa bhalaa ho

viiraa.n ho.n jab aabaad makaa.n sub.h-e-qayaamat

uj.Daa hu.aa dil aap ke jalvo.n se basaa ho

Dhuu.nDhaa hii kare.n sadr-e-qayaamat ke sipaahii

vo kis ko mile jo tire daaman me.n chhapaa ho

jab dene ko bhiik aa.e sar-e-kuu-e-gadaayaa.n

lab par ye du'aa thii mire ma.ngtaa kaa bhalaa ho

jhuk kar unhe.n milnaa hai har ik KHaak-nashii.n se

kis vaaste niichaa na vo daamaan-e-qabaa ho

tum ko to Gulaamo.n se hai kuchh aisii mohabbat

hai tark-e-adab varna kahii.n ham pe fidaa ho

de Daaliye apne lab-e-jaa.n-baKHsh kaa sadqe

ai chaara-e-dil dard-e-‘hasan’ kii jo davaa ho