hu.e hai.n diida-o-dil mahv-e-shaan-e-ganj-e-shakar

hu.e hai.n diida-o-dil mahv-e-shaan-e-ganj-e-shakar

zahe-nasiib milaa aastaan-e-ganj-e-shakar

vo bhii.D dekhiye vo aastaan-e-ganj-e-shakar

nazar ke saamne hai.n zaa.iraan-e-ganj-e-shakar

falak pe auj-e-surayyaa nishaan-e-ganj-e-shakar

kul auliyaa me.n niraalii hai shaan-e-ganj-e-shakar

mujhe hii fakHr nahii.n hai niyaaz-mandii kaa

hai.n saare jinn-o-malak madh-kHvaan-e-ganj-e-shakar

sadaa-bahaar hai.n us ke tamaam Guncha-o-gul

KHizaa.n kii zad me.n nahii.n gulistaan-e-ganj-e-shakar

miThaas shahd kii ek ek harf me.n un ke

nabaat-o-qand se shiirii.n zabaan-e-ganj-e-shakar

'ajab bhii.D hai qasr-e-jinaa.n me.n hashr-numaa

jidhar bhii dekho udhar ’aashiqaan-e-ganj-e-shakar

latiif-tar hai.n ’uruuj-o-nuzuul kii baate.n

sunaa.e jaaye ko.ii daastaan-e-ganj-e-shakar

husuul-e-qurb-e-ilaahii thii manzil-e-maqsuud

rukaa na aur kahii.n kaarvaan-e-ganj-e-shakar

unhii.n ke baaG ke gul saabir-o-nizaamuddiin

base hai.n dil me.n mire dilbaraan-e-ganj-e-shakar

jo in ke dost hai.n vo surkH-ruu jahaa.n me.n hai.n

zaliil-o-KHvaar hu.e dushmanaan-e-ganj-e-shakar

jidhar bhii dekhiye hai saamne tajallii-e-zaat

jahaan-e-tuur hai yaksar jahaan-e-ganj-e-shakar

'nasiir' apnii sii koshish qalam ne kii lekin

tamaam ho na sakii daastaan-e-ganj-e-shakar

hu.e hai.n diida-o-dil mahv-e-shaan-e-ganj-e-shakar

zahe-nasiib milaa aastaan-e-ganj-e-shakar

vo bhii.D dekhiye vo aastaan-e-ganj-e-shakar

nazar ke saamne hai.n zaa.iraan-e-ganj-e-shakar

falak pe auj-e-surayyaa nishaan-e-ganj-e-shakar

kul auliyaa me.n niraalii hai shaan-e-ganj-e-shakar

mujhe hii fakHr nahii.n hai niyaaz-mandii kaa

hai.n saare jinn-o-malak madh-kHvaan-e-ganj-e-shakar

sadaa-bahaar hai.n us ke tamaam Guncha-o-gul

KHizaa.n kii zad me.n nahii.n gulistaan-e-ganj-e-shakar

miThaas shahd kii ek ek harf me.n un ke

nabaat-o-qand se shiirii.n zabaan-e-ganj-e-shakar

'ajab bhii.D hai qasr-e-jinaa.n me.n hashr-numaa

jidhar bhii dekho udhar ’aashiqaan-e-ganj-e-shakar

latiif-tar hai.n ’uruuj-o-nuzuul kii baate.n

sunaa.e jaaye ko.ii daastaan-e-ganj-e-shakar

husuul-e-qurb-e-ilaahii thii manzil-e-maqsuud

rukaa na aur kahii.n kaarvaan-e-ganj-e-shakar

unhii.n ke baaG ke gul saabir-o-nizaamuddiin

base hai.n dil me.n mire dilbaraan-e-ganj-e-shakar

jo in ke dost hai.n vo surkH-ruu jahaa.n me.n hai.n

zaliil-o-KHvaar hu.e dushmanaan-e-ganj-e-shakar

jidhar bhii dekhiye hai saamne tajallii-e-zaat

jahaan-e-tuur hai yaksar jahaan-e-ganj-e-shakar

'nasiir' apnii sii koshish qalam ne kii lekin

tamaam ho na sakii daastaan-e-ganj-e-shakar