karuu.n naam se us ke mai.n ibtidaa

karuu.n naam se us ke mai.n ibtidaa

ki jis ne jahaa.n kun se paidaa kiyaa

hai zaat us kii be-chuu.n-o-chand-o-chraa

sifaat us ke a.alam me.n be-intihaa

vo naam-o-nishaa.n se barii aap hai

pe naam-o-nishaa.n sab usii se hu.e

kiyaa saare a.alam ko jab aashkaar

to qudrat kii har ik dikhaa.ii bahaar

mashiyyat kaa jab kuchh taqaaza hu.aa

zuhuur apnaa qaid-e-bashar se kiyaa

ba-ham karke naar-o-havaa aab-o-KHaak

kii aaraasta us se ik shakl-e-paak

yakaa-yak hu.aa hubb-e-zaatii ko josh

hu.e mahv hastii-e-aadam ke hosh

jahaa.n me.n hu.aa kashf sirr-e-vajuud

hu.ii us ke pahluu se havvaa numuud

jo ik jaa.n ko malbuus-e-ruu-tan milaa

bahisht-e-barii.n un ko maskan milaa

bas ab band kar le zabaa.n 'ulviyaa'

zaraa Gaur tuu kar ki baktaa hai kyaa

karuu.n naam se us ke mai.n ibtidaa

ki jis ne jahaa.n kun se paidaa kiyaa

hai zaat us kii be-chuu.n-o-chand-o-chraa

sifaat us ke a.alam me.n be-intihaa

vo naam-o-nishaa.n se barii aap hai

pe naam-o-nishaa.n sab usii se hu.e

kiyaa saare a.alam ko jab aashkaar

to qudrat kii har ik dikhaa.ii bahaar

mashiyyat kaa jab kuchh taqaaza hu.aa

zuhuur apnaa qaid-e-bashar se kiyaa

ba-ham karke naar-o-havaa aab-o-KHaak

kii aaraasta us se ik shakl-e-paak

yakaa-yak hu.aa hubb-e-zaatii ko josh

hu.e mahv hastii-e-aadam ke hosh

jahaa.n me.n hu.aa kashf sirr-e-vajuud

hu.ii us ke pahluu se havvaa numuud

jo ik jaa.n ko malbuus-e-ruu-tan milaa

bahisht-e-barii.n un ko maskan milaa

bas ab band kar le zabaa.n 'ulviyaa'

zaraa Gaur tuu kar ki baktaa hai kyaa