jis kii har bande ke dil me.n raah hai yaa chaah hai
jis kii har bande ke dil me.n raah hai yaa chaah hai
Shah Akbar Danapuri
MORE BYShah Akbar Danapuri
jis kii har bande ke dil me.n raah hai yaa chaah hai
tuu hii vo allaah hai haa.n tuu hii vo allaah hai
ab bhii mil jaa mujh se ai but varna kal sun legaa tuu
mai.n musalmaa.n ho gayaa phir meraa rab allaah hai
naam letii hai tiraa maKHluuq mujh ko dekh kar
ya.anii ye banda hai us kaa jis kaa naam allaah hai
hai usii kaa naam ka.aba mil gayaa jis ghar me.n tuu
jis galii se tere ghar pahu.nche vo terii raah hai
kaisaa pyaaraa naam hai ye meraa mujh se pūchhiye
jis ne dekhaa mujh ko bolaa banda-e-dargaah hai
teraa aasaar-e-qadam hai dono.n a.alam kaa faroG
ye zamii.n par naqsh-e-paa hai aasmaa.n par maah hai
chaudhvii.n kaa chaa.nd hai yaa suurat-e-lailaa hai ye
qais kii tasviir hai yaa KHud usii kii aah hai
naala meraa sun kar 'akbar' shab ko farmaate hai.n vo
ye hame.n sone nahii.n detii hai kis kii aah hai
jis kii har bande ke dil me.n raah hai yaa chaah hai
tuu hii vo allaah hai haa.n tuu hii vo allaah hai
ab bhii mil jaa mujh se ai but varna kal sun legaa tuu
mai.n musalmaa.n ho gayaa phir meraa rab allaah hai
naam letii hai tiraa maKHluuq mujh ko dekh kar
ya.anii ye banda hai us kaa jis kaa naam allaah hai
hai usii kaa naam ka.aba mil gayaa jis ghar me.n tuu
jis galii se tere ghar pahu.nche vo terii raah hai
kaisaa pyaaraa naam hai ye meraa mujh se pūchhiye
jis ne dekhaa mujh ko bolaa banda-e-dargaah hai
teraa aasaar-e-qadam hai dono.n a.alam kaa faroG
ye zamii.n par naqsh-e-paa hai aasmaa.n par maah hai
chaudhvii.n kaa chaa.nd hai yaa suurat-e-lailaa hai ye
qais kii tasviir hai yaa KHud usii kii aah hai
naala meraa sun kar 'akbar' shab ko farmaate hai.n vo
ye hame.n sone nahii.n detii hai kis kii aah hai
- Book : Jazbat-e-Akbar (Pg. 158)
- Author :Shah Akbar Danapuri
- Publication : Agra Akhbar Press, Agra (1915)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
