jaaduu na chalaa mujh pe jo duniyaa talabii kaa
jaaduu na chalaa mujh pe jo duniyaa talabii kaa
sab lutf-o-karam hai shah-e-makkii madnii kaa
jannat kaa tasavvur bhii agar zehn me.n aayaa
naqsha nazar aayaa hai mujhe un kii galii kaa
duniyaa use insaan kahe me.n na kahuu.ngaa
ehsaan bhulaa de jo rasuul-e-’arabii kaa
le saa.ns bhii aahista ki darbaar-e-nabii hai
KHatra hai bahut saKHt yahaa.n be-adabii kaa
un kaa ruKH-e-pur-nuur rahaa un kii nazar me.n
kyaa taabe’-e-bedaar hai as.haab-e-nabii kaa
faaruuq ye kahte hai.n vo aaqaa hai.n hamaare
dekhe to ko.ii auj-e-bilaal-e-habashii kaa
'kausar' mujhe is jurm se inkaar nahii.n hai
shaidaa huu.n dil-o-jaa.n se me.n aulaad-e-'alii kaa
jaaduu na chalaa mujh pe jo duniyaa talabii kaa
sab lutf-o-karam hai shah-e-makkii madnii kaa
jannat kaa tasavvur bhii agar zehn me.n aayaa
naqsha nazar aayaa hai mujhe un kii galii kaa
duniyaa use insaan kahe me.n na kahuu.ngaa
ehsaan bhulaa de jo rasuul-e-’arabii kaa
le saa.ns bhii aahista ki darbaar-e-nabii hai
KHatra hai bahut saKHt yahaa.n be-adabii kaa
un kaa ruKH-e-pur-nuur rahaa un kii nazar me.n
kyaa taabe’-e-bedaar hai as.haab-e-nabii kaa
faaruuq ye kahte hai.n vo aaqaa hai.n hamaare
dekhe to ko.ii auj-e-bilaal-e-habashii kaa
'kausar' mujhe is jurm se inkaar nahii.n hai
shaidaa huu.n dil-o-jaa.n se me.n aulaad-e-'alii kaa
- Book : Kalam-e-Kausar Niyazi (Pg. 26)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
