naazaa.n hai jis pe husn vo husn-e-rasuul hai
naazaa.n hai jis pe husn vo husn-e-rasuul hai
ye kahkashaa.n to aap ke qadmo.n kii dhuul hai
ai rah-ravaan-e-shauq yahaa.n sar ke bal chalo
taiba ke raaste kaa to kaa.nTaa bhii phuul hai
har ik qadam pe us me.n zaruurii hai ehtiyaat
’ishq-e-butaa.n nahii.n hai ye ’ishq-e-rasuul hai
zaahid KHayaal-e-pairvii-e-mustafaa rahe
phir us ke baa'd terii 'ibaadat qubuul hai
mimbar ho yaa ki daar na jaa.egii yaad-e-yaar
ai dil ye ahl-e-’ishq-o-vafaa kaa usuul hai
baatil ke saamne na jhukaa.uu.ngaa sir kabhii
merii nazar me.n usva-e-ibn-e-batuul hai
aa.iin-e-mustafaa ke sivaa hall-e-mushkilaat
ye 'aql kaa fareb nigaaho.n kii bhuul hai
us par nuzuul-e-rahmat-e-parvardigaar ho
'kausar' firaaq-e-dost me.n jo dil maluul hai
naazaa.n hai jis pe husn vo husn-e-rasuul hai
ye kahkashaa.n to aap ke qadmo.n kii dhuul hai
ai rah-ravaan-e-shauq yahaa.n sar ke bal chalo
taiba ke raaste kaa to kaa.nTaa bhii phuul hai
har ik qadam pe us me.n zaruurii hai ehtiyaat
’ishq-e-butaa.n nahii.n hai ye ’ishq-e-rasuul hai
zaahid KHayaal-e-pairvii-e-mustafaa rahe
phir us ke baa'd terii 'ibaadat qubuul hai
mimbar ho yaa ki daar na jaa.egii yaad-e-yaar
ai dil ye ahl-e-’ishq-o-vafaa kaa usuul hai
baatil ke saamne na jhukaa.uu.ngaa sir kabhii
merii nazar me.n usva-e-ibn-e-batuul hai
aa.iin-e-mustafaa ke sivaa hall-e-mushkilaat
ye 'aql kaa fareb nigaaho.n kii bhuul hai
us par nuzuul-e-rahmat-e-parvardigaar ho
'kausar' firaaq-e-dost me.n jo dil maluul hai
- Book : Kalam-e-Kausar Niyazi (Pg. 21)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
