Gam sabhii raahat-o-taskiin me.n Dhal jaate hai.n
Gam sabhii raahat-o-taskiin me.n Dhal jaate hai.n
Khalid Mahmood Naqshbandi
MORE BYKhalid Mahmood Naqshbandi
Gam sabhii raahat-o-taskiin me.n Dhal jaate hai.n
jab karam hotaa hai haalaat badal jaate hai.n
un kii rahmat hai KHataa-posh gunahgaaro.n kii
khoTe sikke sar-e-baazaar bhii chal jaate hai.n
ism-e-ahmad kaa vaziifa hai har ik Gam kaa 'ilaaj
laakh KHatre ho.n isii naam se Tal jaate hai.n
aap ke zikr se ik kaif milaa karataa hai
aur jitne bhii hai.n asraar vo khul jaate hai.n
apnii aaGosh me.n le letaa hai jab un kaa karam
zindagii ke sabhii andaaz badal jaate hai.n
'ishq kii aa.nch se dil kyuu.n na banegaa kaa'ba
'ishq kii aa.nch se patthar bhii pighal jaate hai.n
rakh hii lete hai.n bharam un ke karam ke sadqe
jab kisii baat pe diivaane machal jaate hai.n
dam nikal jaa.e terii yaad me.n phir ham bhii kahii.n
lillaahil-hamd liye husn-e-'amal jaate hai.n
aa pa.De hai.n tire qadmo.n me.n ye sun kar ham bhii
jo tire qadmo.n pe girte hai.n sambhal jaate hai.n
ummat-e-ahmad-e-muKHtaar nahii.n ho sakte
aur hai.n aur jahannam me.n jo jal jaate hai.n
mutma.in ho.nge magar dekh ke jalva un kaa
ham nahii.n vo jo khilauno.n se bahal jaate hai.n
yaad un kii badal un kaa nahii.n hone paatii
hijr ke shaam-o-sahar pyaar me.n khil jaate hai.n
aap ko kaa'ba-e-maqsuud hii maano 'KHaalid'
aap ke dar pe sab armaan nikal jaate hai.n
Gam sabhii raahat-o-taskiin me.n Dhal jaate hai.n
jab karam hotaa hai haalaat badal jaate hai.n
un kii rahmat hai KHataa-posh gunahgaaro.n kii
khoTe sikke sar-e-baazaar bhii chal jaate hai.n
ism-e-ahmad kaa vaziifa hai har ik Gam kaa 'ilaaj
laakh KHatre ho.n isii naam se Tal jaate hai.n
aap ke zikr se ik kaif milaa karataa hai
aur jitne bhii hai.n asraar vo khul jaate hai.n
apnii aaGosh me.n le letaa hai jab un kaa karam
zindagii ke sabhii andaaz badal jaate hai.n
'ishq kii aa.nch se dil kyuu.n na banegaa kaa'ba
'ishq kii aa.nch se patthar bhii pighal jaate hai.n
rakh hii lete hai.n bharam un ke karam ke sadqe
jab kisii baat pe diivaane machal jaate hai.n
dam nikal jaa.e terii yaad me.n phir ham bhii kahii.n
lillaahil-hamd liye husn-e-'amal jaate hai.n
aa pa.De hai.n tire qadmo.n me.n ye sun kar ham bhii
jo tire qadmo.n pe girte hai.n sambhal jaate hai.n
ummat-e-ahmad-e-muKHtaar nahii.n ho sakte
aur hai.n aur jahannam me.n jo jal jaate hai.n
mutma.in ho.nge magar dekh ke jalva un kaa
ham nahii.n vo jo khilauno.n se bahal jaate hai.n
yaad un kii badal un kaa nahii.n hone paatii
hijr ke shaam-o-sahar pyaar me.n khil jaate hai.n
aap ko kaa'ba-e-maqsuud hii maano 'KHaalid'
aap ke dar pe sab armaan nikal jaate hai.n
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
