حسنین سے عباس سے زینب سے علی سے

حسنین سے عباس سے زینب سے علی سے

ایثار کا دنیا میں چراغاں ہے سبھی سے

بو بکر سے فاروق سے عثماں سے علی سے

پیغامِ وفا ملتا ہے دنیا میں سبھی سے

ٹکراتا بھلا کیسے کوئی مردِ جری سے

کوہسار لرز جاتے تھے شمشیرِ علی سے

بستر پہ شبِ اسریٰ ہوئی دید جہاں کی

اعزاز یہ مولیٰ کو ملا عشقِ نبی سے

وہ دیں کے مخالف ہوں کہ گستاخِ نبی ہوں

ڈرتے ہیں تو ڈرتے ہیں فقط نامِ علی سے

خالدؔ ہی فقط ان کے طلب گار نہیں ہیں

مشکل میں سبھی آس لگاتے ہیں علی سے