khulaa hai daftar-e-’isyaan.n Gazab par haqq-e-ta'ala hai

khulaa hai daftar-e-’isyaan.n Gazab par haq-ta'ala hai

KHudaa aur ummatii ke darmiyaa.n ik kamlii vaalaa hai

hamaare naama-e-a'amaal kaa har gosha kaalaa hai

magar itnaa bharosa hai shafaa'at karne vaalaa hai

madiina hai yahaa.n andaaz piine kaa niraalaa hai

nazar se kaam chaltaa hai suraahii hai na pyaalaa hai

barahna sar hai aa.nkhe.n nam hai.n aur talve me.n chhaalaa hai

magar suurat bataatii hai ko.ii allaah vaalaa hai

shafaq suuraj sitaare chaa.nd jugnuu sham-e’-sayyaare

isii nuur-e-mujassam ke tabassum kaa ujaalaa hai

jabii.n val-fajr zulfe.n lail chehra shams qad taahaa

KHudaa ne nuur ko qur.aan ke saa.nche me.n Dhaalaa hai

hadiis-e-mustafaa me.n lafz-e-akHraj us pe shaahid hai

munaafiq ko nabii ne apnii masjid se nikaalaa hai

zamaana laakh chaahe aal-e-ahmad miT nahii.n saktii

hifaazat ke liye daruudo.n kaa do-shaala hai

KHudaa aabaad rakhe mere maulaa ke gharaane ko

barastaa jin ke sadqe raat-din rahmat kaa jhaalaa hai

nivaale to.Dne jaa.e.nge ham kyuu.n Gair ke dar par

tire hii dar ke kutte hai.n tire Tuk.Do.n ne paalaa hai

'ziyaa' kii maGfirat mushkil thii lekin un kii rahmat ne

kahaa jaane do mujrim hai magar iimaan vaalaa hai

khulaa hai daftar-e-’isyaan.n Gazab par haq-ta'ala hai

KHudaa aur ummatii ke darmiyaa.n ik kamlii vaalaa hai

hamaare naama-e-a'amaal kaa har gosha kaalaa hai

magar itnaa bharosa hai shafaa'at karne vaalaa hai

madiina hai yahaa.n andaaz piine kaa niraalaa hai

nazar se kaam chaltaa hai suraahii hai na pyaalaa hai

barahna sar hai aa.nkhe.n nam hai.n aur talve me.n chhaalaa hai

magar suurat bataatii hai ko.ii allaah vaalaa hai

shafaq suuraj sitaare chaa.nd jugnuu sham-e’-sayyaare

isii nuur-e-mujassam ke tabassum kaa ujaalaa hai

jabii.n val-fajr zulfe.n lail chehra shams qad taahaa

KHudaa ne nuur ko qur.aan ke saa.nche me.n Dhaalaa hai

hadiis-e-mustafaa me.n lafz-e-akHraj us pe shaahid hai

munaafiq ko nabii ne apnii masjid se nikaalaa hai

zamaana laakh chaahe aal-e-ahmad miT nahii.n saktii

hifaazat ke liye daruudo.n kaa do-shaala hai

KHudaa aabaad rakhe mere maulaa ke gharaane ko

barastaa jin ke sadqe raat-din rahmat kaa jhaalaa hai

nivaale to.Dne jaa.e.nge ham kyuu.n Gair ke dar par

tire hii dar ke kutte hai.n tire Tuk.Do.n ne paalaa hai

'ziyaa' kii maGfirat mushkil thii lekin un kii rahmat ne

kahaa jaane do mujrim hai magar iimaan vaalaa hai