KHiraamaa.n ho ai gul-’ezaar-e-madiina

KHiraamaa.n ho ai gul-’ezaar-e-madiina

ki duniyaa me.n phaile bahaar-e-madiina

mujhe Gam nahii.n laakh manzil kaThin ho

ki hai.n pesh-rau shah-savaar-e-madiina

mo'attar kiye detii hai jaan-o-dil ko

havaa-e-KHush mushk-baar-e-madiina

baraste hai.n din-raat anvaar dil par

'ajab hai 'ajab jalva-zaar-e-madiina

dil-o-jaa.n zar-o-maal-o-kHvesh-o-aqaarib

fida-e-madiina nisaar-e-madiina

abhii rahne do mahv-e-nazzaara mujh ko

mai.n dil me.n basaa luu.n bahaar-e-madiina

jo thaa gard kaa'ba kii mastii me.n raqsaa.n

vo 'majzuub' hai hoshiyaar-e-madiina

KHiraamaa.n ho ai gul-’ezaar-e-madiina

ki duniyaa me.n phaile bahaar-e-madiina

mujhe Gam nahii.n laakh manzil kaThin ho

ki hai.n pesh-rau shah-savaar-e-madiina

mo'attar kiye detii hai jaan-o-dil ko

havaa-e-KHush mushk-baar-e-madiina

baraste hai.n din-raat anvaar dil par

'ajab hai 'ajab jalva-zaar-e-madiina

dil-o-jaa.n zar-o-maal-o-kHvesh-o-aqaarib

fida-e-madiina nisaar-e-madiina

abhii rahne do mahv-e-nazzaara mujh ko

mai.n dil me.n basaa luu.n bahaar-e-madiina

jo thaa gard kaa'ba kii mastii me.n raqsaa.n

vo 'majzuub' hai hoshiyaar-e-madiina